पछिल्लो चौबीस घण्टामा देशभर थप १०१ जना कोरोना भाइरस सङ्क्रमित भेटिएका छन् । नयाँ सङ्क्रमित थपिएसँगै नेपालमा कोरोनाबाट सङ्क्रमित हुनेको कुल संख्या १७ हजार ४४५ पुगेको स्वास्थ्य तथा जनसंख्या मन्त्रालयले जानकारी दिएको छ ।
यस्तै पछिल्लो २४ घण्टामा २ सय ८५ जना डिस्चार्ज भएसँगै हालसम्म निको भएर घर फर्कनेको कुल संख्या ११ हजार ५३४ जना रहेको र सङ्क्रमितको निको हुने दर ६६.१२ प्रतिशत पुगेको पनि मन्त्रालयले जनाएको छ ।
