प्रदेश ३ को राजधानी ‘हेटौंडा’ र नाम ‘वाग्मती’ राख्ने नेकपाको निर्णय

प्रदेश ३ को नाम ‘वाग्मती’ र राजधानी ‘हेटौंडा’ बनाउने नेकपाले निर्णय गरेको छ । आइतबार बिहान प्रधानमन्त्री निवास बालुवाटारमा बसेको बैठकले उक्त निर्णय गरेको हो ।

बैठकले उक्त प्रस्ताव प्रदेशसभामा राख्ने र यसको पक्षमा उभिन नेकपाका प्रदेशसभा सदस्यलाई निर्देशन दिनेसमेत निर्णय गरेको छ ।

प्रदेश ३ को नाम र राजधानीका विषयमा प्रदेशसभा गठनसँगै चर्चा चलेपनि कुनै निर्णय हुन सकेको थिएन । विशेषगरी नाम भन्दा पनि राजधानीका विषयमा काभ्रे, भक्तपुर र हेटौंडामध्ये कहाँ राख्ने भन्नेमा नेकपाका सांसदहरूबीच नै मत बाझिएको थियो ।

प्रदेश ३ को प्रदेशसभामा नेकपाको दुई तिहाइ बहुमत छ ।