वैदेशिक रोजगार व्यवसायी संघमा चुनावी सरगर्मी बढयो, स्वतन्त्रसहित ३६ जनाको उम्मेदवारी
- चैत्र २५, २०८१
- 0
नेपाल वैदेशिक रोजगार व्यवसायी संघको यहि चैत २९ गते हुने निर्वाचनका लागि स्वतन्त्रसहित ३६ जनाले उम्मेदवारी दर्ता गराएका छन । आइतबार मनोनयन दर्ताको समयावधिमा ३६ जनाले उम्मेदवारी दर्ता गराएको निर्वाचन समितिले जनाएको छ ।
२१ सदस्यीय कार्यसमितिमा अध्यक्षसहित ७ पदाधिकारी र १० सदस्य गरी १७ पदका लागि निर्वाचन हुनेछ । जसमा अध्यक्ष पदका लागि नरेश गेलाल र भुवनसिंह गुरुङको उम्मेदवारी परेको छ । गेलाल र गुरुङ प्यानलसहित मैदानमा उत्रिएका हुन । यसैगरी अख्तर हुसेनले प्रथम उपाध्यक्षमा र ईश्वर सापकोटाले सचिव पदमा स्वतन्त्र उम्मेदवारी दिएका छन । उम्मेदवारी दर्तासँगै संघको आगामी नेतृत्वका लागि चुनावी सरगर्मी हवात्तै बढेको छ ।
प्रगतिशील वैदेशिक रोजगार व्यवसायी मञ्च नेपाल, नेपाल लोकतान्त्रिक वैदेशिक रोजगार व्यवसायी एशोसिएसनको असन्तुष्ट पक्ष र एकीकृत वैदेशिक रोजगार व्यवसायी संगठनको तालमेलमा संघका पूर्व महासचिव तथा एचआर इन्टरनेशनल सर्भिसका संचालक नरेश गेलालको अध्यक्षतामा प्यानलसहित उम्मेदवारी दर्ता गरेको छ । यस समूहलाई राष्ट्रिय प्रजातान्त्रिक वैदेशिक रोजगार व्यवसायी संघले पनि सघाउने घोषणा गरेको छ ।
गेलाल समूहबाट प्रथम उपाध्यक्षमा संघका पूर्व महासचिव तथा एलायन्स ह्युमन रिसोर्सका संचालक सुजित कुमार श्रेष्ठ, द्वितीय उपाध्यक्षमा इम्प्लोइमेन्ट लिंक नेपालका संचालक मधुकर रिजाल, तृतीय उपाध्यक्षमा न्यू अल्फा एचआरका संचालक बैकुण्ठ पौडेल वैभव, महासचिवमा डाइनामिक स्टाफिङ सोलुसनका संचालक कर्णराज कटुवाल, सचिवमा कन्फिडेन्ट इन्टरनेशनल मेनपावरका संचालक अनिल बोगटी र कोषाध्यक्षमा कालिञ्चोक एचआरकी संचालक धनु सिजालीको उम्मेदवारी दर्ता भएको छ ।
सो प्यानलबाट कार्यसमिति सदस्यमा माउन्टेन ग्रुपका संचालक देउमान नेम्वाङ, ग्रोथ प्रोसेस एन्टरनेशनल इम्प्लोइमेन्टका संचालक राजेन्द्र बस्नेत, उज्यालो ओभरसिजका संचालक चन्द्र लिम्बू, विनर एचआर सोलुसनकी संचालक हिमा गुरुङ, रियो ओभरसिजकी संचालक रमा खड्का, गल्फ इम्पायर ओभरसिजका संचालक दिनेश बस्नेत, आयुश ओभरसिजका संचालक कामेश्वर साह राहुल, सिगुल ओभरसिजका संचालक छत्र बस्नेत, डेष्टिनी ह्युमन रिसोर्सका संचालक युवराज देवकोटा र गल्फ एशिया म्यानपावरका संचालक राजेश यादवले उम्मेदवारी दर्ता गराएका छन ।
यसैगरी नेपाल लोकतान्त्रिक वैदेशिक रोजगार व्यवसायी एसोसिएसनले गणतान्त्रिक वैदेशिक रोजगार व्यवसायी मञ्चसँग तालमेल गरेर संघका पूर्व द्धितिय उपाध्यक्ष तथा गुरुङ म्यानेजमेन्ट प्रा.लि.का संचालक भुवनसिंह गुरुङको अध्यक्षतामा प्यानलसहित उम्मेदवारी दर्ता गराएको छ ।
गुरुङको प्यानलबाट प्रथम उपाध्यक्षमा नोकरी नेपालका संचालक नरेन्द्रप्रसाद ढकाल, द्वितीय उपाध्यक्षमा अलर्ट ओभरसिजका संचालक देवकुमार खोखाली, तृतीय उपाध्यक्षमा इम्प्लोइमेन्ट क्रियसन सर्भिसका संचालक हर्कबहादुर लिम्बू, महासचिवमा ग्लोबल राइजिङ प्लेसमेन्टका संचालक महेशकुमार बस्नेत, सचिवमा आकृति रिक्रुटिङका संचालक कुन्छा दोर्जे दिमदोङ र कोषाध्यक्षमा शुभ हारती मेनपावरका संचालक विक्रम श्रेष्ठको उम्मेदवारी दर्ता भएको छ ।
यस्तै सो प्यानलबाट कार्यसमिति सदस्यमा राज ग्रुप अफ कम्पनीका संचालक राज लामा तामाङ, इम्पेरियल ओभरसिजकी संचालक विद्यालक्ष्मी बज्राचार्य, हिमालयन भ्याली नेपालका संचालक देवीप्रसाद गिरी, ब्रदर इन्टरनेसनल इम्प्लोइमेन्टका संचालक दीपककुमार राय, रसुवा ओभरसिजका संचालक सुवर्ण लामा, सेक्युर नेपाल जबका संचालक सुमनराज पाण्डे, सिल्भर कर्नर ओभरसिजका कैलाश पाठक, ग्लोबल एचआर हबकी संचालक गीता राउत, युनिभर्स एचआर सोलुसनका संचालक भरत सापकोटा, रिजा ओभरसिजकी संचालक रेखा शर्मा, इगल मेनपावर कन्सल्टेन्टका संचालक कृष्ण ढकालले उम्मेदवारी दर्ता गराएका छन् ।
मनोनयन दर्ता अघि नै प्यानल सार्वजनिक गरेर चुनावी अभियानमा रहेका दुवै प्यानलले उम्मेदवारी दर्ता गरेपछि चुनावी सभालाई थप तिब्रता दिएका छन । जस अनुसार आज आइतबार गेलाल समूहले बत्तिसपुतलिमा र गुरुङ समुहले ललितपुरमा क्षेत्रीय चुनावी भेला आयोजना गरेका छन ।
संघको निर्वाचनका लागि ९०३ प्रतिनिधि दर्ता भएका संघको प्रतिनिधि व्यवस्थापन समितिका संयोजक तथा द्वितीय उपाध्यक्ष सञ्जु गुरुङले जानकारी दिएका छन ।
0 प्रतिक्रिया
यूरो स्कुल सृजनानगर : एकैपटक ३९ जना विद्यार्थी भए दिक्षित (फोटोफिचर)
यूरो स्कुल सृजनानगर भक्तपुरले विद्यालयको वार्षिकोत्सव तथा दिक्षान्त समारोह भव्यताका साथ सम्पन्न गरेको छ । गत चैत्र २३ र २४ […]
स्वास्थ्य सेवा सम्बन्धी सबै विवरण स्वास्थ्य मन्त्रालयद्वारा सार्वजनिक
स्वास्थ्य तथा जनसंख्या मन्त्रालयले नागरिकले निःशुल्क रुपमा प्राप्त गर्ने सेवाहरुबारेको विवरण सार्वजनिक गरेको छ । मन्त्रालयले निःशुल्क प्राप्त गर्ने सेवा, […]
विद्यालय शिक्षा विधेयक चाँडै आउँछ, शिक्षकहरु आन्दोलनमा बसिरहनुु पर्दैन : प्रधानमन्त्री
प्रधानमन्त्री केपी शर्मा ओलीले सरकार विद्यालय शिक्षा ऐन चाँडै ल्याउन तत्पर रहेकाले शिक्षकहरु आन्दोलनमा बसिरहनुुनपर्ने बताएका छन् । नेकपा (एमाले) […]
राष्ट्रिय व्यापार संघद्धारा नयाँ वर्षको शुभकामना आदान प्रदानका साथै पात्रो विमोचन
साना तथा मझौला व्यापारीहरुको छाता संस्था राष्ट्रिय व्यापार संघले नयाँ वर्ष २०८२ सालको नयाँ वर्षको शुभकामना आदानप्रदानका साथै टेबल पात्रो […]
अन्तराष्ट्रिय श्रम बजारमा गएका श्रमिकहरुको सुरक्षा र वैदेशिक रोजगार ऐन संशोधनमा जोड
उपप्रधानमन्त्री एवं अर्थमन्त्री विष्णु पौडेलले अन्तर्राष्ट्रिय श्रम बजारमा गएका नेपालीहरुले सम्मानित र सुरक्षित ढंगले उपस्थिति जनाउन सक्ने वातावरण निर्माण गर्न […]
