संघको तृतिय उपाध्यक्षमा ‘वैभव’को उम्मेदवारी : अहिलेजस्तै व्यवसायीको मन जित्ने गरी काम गर्ने प्रतिवद्धता

रोजगारमञ्च
चैत्र २३, २०८१
0

नेपाल वैदेशिक रोजगार व्यवसायी संघको आगामी कार्यकालका लागि वैदेशिक रोजगार व्यवसायी माझ जुजारु र सक्रिय व्यवसायीका रुपमा चिनिएका बैकुण्ठ प्रसाद पौडेल ‘वैभव’ले तृतिय उपाध्यक्ष पदका लागि उम्मेदवारी दिएका छन् ।

संघको कार्यसमिति सदस्य भएर काम गरिसकेका पौडेलले नरेश गेलाल नेतृत्वमा बनेको संयुक्त व्यवसायी समुहबाट संघको आगामी कार्यकालका लागि तृतिय उपाध्यक्ष पदका लागि उम्मेदवारी घोषणा गरेका हुन् ।

१५ बर्षदेखि वैदेशिक रोजगार व्यवसायमा लागेका न्यु अल्फा एचआर सर्चिस संचालक पौडेल व्यवसायीहरु माझ साहित्यमा रुचि राख्ने बौद्धिक व्यक्तित्वको रुपमा पनि चिनिन्छन । तनहुँमा जन्मिएका पौडेलले नेपालीमा स्नाकोत्तर गरेका छन भने शिक्षण पेशा छाडेर उनी वैदेशिक रोजगार व्यवसायमा लागेका हुन् ।

संघको कार्यसमिति सदस्य हुँदा पौडेलले साउदी अरव संयोजक भएर काम गर्दा धेरै व्यवसायीको मन जित्न सफल भएका थिए । संघको तर्फबाट उनकै नेतृत्वमा २ सय ८० व्यवसायीको रोकिएको साउदी आइडी खुलाएर काम सुचारु भएको थियो । त्यसैगरी साउदी अरवमा समस्यामा परेका व्यवसायी तथा कामदारको उद्धारमा उनले खेलेको भूमिकालाई सबैले प्रसंसा गरेका छन् ।

पौडेल भन्छन्–‘साउदी अरव पठाउने ५० भन्दा बढि मेनपावरहरुका समस्यामा परेका कामदार उद्धारमा सहयोग गरेर झण्डै व्यवसायीको २ करोड बचत गराउन सफल भइयो ।’ त्यसैगरी साउदीमा झुटा आरोप लागेर जेलमा परेका मेनपावर व्यवसायीलाई कानूनी सहायता गरेर निकाल्न सफल भएको पौडेलको भनाई छ ।

व्यवसायको साथसाथै व्यवसायिक संघसंस्थामा नेतृत्व गर्ने क्षमता बोकेका पौडेल नेपाल वैदेशिक रोजगार व्यवसायी संघको तृतिय उपाध्यक्ष भएपछि सम्मानित वैदेशिक रोजगार बनाउन अहोरात्र खट्ने प्रतिवद्धता जनाउँछन् ।

संघको तृतिय उपाध्यक्ष पदका लागि चुनावी मैदानमा उत्रिएका पौडेलले सय संख्याको बाध्यत्मक व्यवस्थाको अन्त्य गर्ने, मागपत्र प्रमाणिकरणका समस्याहरुको स्थायी रुपमा समाधान गर्ने, नयाँ र आकर्षक गन्तव्यको खोजी गर्ने, शेवाशुल्क कायम गराउन पहल गर्ने, व्यवसायीक कानुनी झन्झटको अन्त्य गर्न पहल कदमी गर्ने, कानूनी अड्चन हटाउने लगायतका प्रतिवद्धता जनाएका छन् ।

उनले आफ्नो कार्यकालभर व्यवसायीको पक्षमा २४ सै घण्टा समय दिने र मेनपावर व्यवसायको क्षेत्रलाई सम्मानित र व्यवस्थित बनाउन अहोरात्र लाग्ने प्रतिवद्धता जनाएका छन् ।

वैदेशिक रोजगारको क्षेत्रमा हुने कुनै पनि सिण्डिकेट तोड्न र व्यवसायीका पक्षमा वकालत गर्न सक्ने भनेर चिनिएका पौडेलको उम्मेदवारीसँगै अधिकांश व्यवसायीले खुशी व्यक्त गरेका छन् ।

सम्बन्धित शीर्षकहरु