संघको निर्वाचनमा अनौठो तालमेल : गेलाल र गुरुङको प्यानल मात्र भिड्ने पक्कापक्की
- रोजगारमञ्च
- चैत्र २०, २०८१
- 0
नेपाल वैदेशिक रोजगार व्यवसायी संघको आगामी निर्वाचनका लागि अनौठो तालमेल र गठबन्धनसहित चुनावी मैदानमा उत्रने भएका छन् ।
संघको आगामी कार्यकालका लागि नेपाल लोकतान्त्रिक वैदेशिक रोजगार व्यवसायी एसोसिएसनका तर्फबाट अध्यक्षमा भुवन गुरुङको प्यानल र प्रगतिशील वैदेशिक रोजगार व्यवसायी मञ्चका तर्फबाट अध्यक्षमा नरेश गेलालको नेतृत्वमा रहेका छुट्टाछुट्टै प्यानल चुनावी मैदानमा उत्रने भएका छन् ।
संघमा यस पटक प्यानल बनाउँदा अनौठो प्रकारको गठबन्धन बनेको छ । गुरुङको प्यानलमा काँग्रेस निकट लोकतान्त्रिक एशोसिएशनलाई माओवादी निकट वैदेशिक रोजगार व्यवसायी गणतान्त्रिक मञ्चले चुनावी तालमेल गरेका छन् । उनीहरुले गत सोमबार नै उम्मेदावर घोषणा सभा गरिसकेका छन् । यद्यपी अहिले अवस्थामा काँग्रेस र माओवादीको यो तालमेललाई अनौठो मानिएको छ ।
यता एमाले निकट प्रगतिशिलबाट गेलालको नेतृत्वमा समाजवादी निकट एकीकृत वैदेशिक रोजगार व्यवसायी संगठनबीच तालमेल भएको छ । त्यति मात्र होइन गेलालको प्यानलमा लोकतान्त्रिक एशोसिएशनबाट असन्तुष्ट रहेकाहरु समेत जोडिने भएका छन् । काँग्रेसकै असन्तुष्टहरु एमालेसँग तालमेल गर्नुलाई अर्को आश्चर्य मान्न सकिन्छ ।
लोकतान्त्रिक एशोसिएशनले घोषणा गरेको उम्मेदवारबाट असन्तुष्ट रहेकाहरुले छुट्टै प्यानल घोषणा गर्ने भनिरहँदा अन्तिममा आएर गेलाल प्यानलबाट प्रथम उपाध्यक्ष र महासचिव पदमा उम्मेदवारी दिने भएपछि छुट्टै प्यानल बनाउनबाट पछाडि हटेको छ । उनीहरुले आजै टुङ्गो लगाउनका लागि गृहकार्य गरिरहेको जनाएका छन् ।
नरेश गेलाल प्यानलको आज बेलुका उम्मेदवार घोषणा सभा रहेको छ । योसँगै अव संघको निर्वाचनमा गुरुङ र गेलाल प्यानल मात्र चुनावी मैदानमा उत्रने पक्कापक्की भएको छ ।
गुरुङ प्यानलले संघका पूर्वअध्यक्ष तिलकबहादुर रानाभाट संयोजक र गणतान्त्रिक मञ्चका अध्यक्ष धनलाल जैशी सहसंयोजक रहेकोे निर्वाचन परिचालन मूल समारोह समिति र विभिन्न ८ उपसमिति गठन गरेको छ ।
एसोसिएसन नेपाली कांग्रेस र मञ्च नेकपा (माओवादी केन्द्र) निकट संस्था हुन् । सो प्यानलको अध्यक्षमा संघका पूर्व द्वितीय उपाध्यक्ष तथा गुरुङ म्यानेजमेन्ट प्रा.लि.का संचालक भुवनसिंह गुरुङ, प्रथम उपाध्यक्षमा नोकरी नेपाल प्रा. लि.का संचालक नरेन्द्रप्रसाद ढकाल, द्वितीय उपाध्यक्षमा अलर्ट ओभरसिज प्रा. लि.का संचालक देवकुमार खोखाली, तृतीय उपाध्यक्षमा इम्प्लोइमेन्ट क्रियसन सर्भिस प्रा. लि.का संचालक हर्कबहादुर लिम्बू, महासचिवमा ग्लोबल राइजिङ प्लेसमेन्ट प्रा. लि.का संचालक महेशकुमार बस्नेत उम्मेदवार बनेका छन् ।
त्यस्तै, गणतान्त्रिक मञ्चका महासचिव रहेका आकृति रिक्रुटिङ प्रा. लि.का संचालक कुन्छा दोर्जे डिम्दोङ सचिव र कोषाध्यक्षमा शुभ हारती म्यानपावर प्रा. लि.का संचालक विक्रम श्रेष्ठ उम्मेदवार बनेका छन् । श्रेष्ठ संघको वर्तमान कार्यसमिति सदस्य हुन् ।
कार्यसमिति सदस्यमा इम्पेरियल ओभरसिज प्रा. लि.की संचालक विद्यालक्ष्मी बज्राचार्य, हिमालयन भ्याली नेपाल प्रा. लि.का संचालक देवीप्रसाद गिरी, ब्रदर इन्टरनेसनल इम्प्लोइमेन्ट प्रा. लि.का संचालक दीपककुमार राय, रसुवा ओभरसिज प्रा. लि.का संचालक सुवर्ण लामा, सेक्युर नेपाल जब प्रा. लि.का संचालक सुमनराज पाण्डे, ग्लोबल एचआर हब प्रा. लि.की संचालक गीता राउत र युनिक ओभरसिज प्रा.लि.की संचालक तिलरूपा दाहाल उम्मेदवार बनेका छन् ।
त्यस्तै, एच. आर. सोलुसन प्रा. लि.का संचालक भरत सापकोटा र रिजा ओभरसिज प्रा. लि.की संचालक रेखा शर्मा, इगल म्यानपावर कन्सल्टेन्ट प्रा. लि.का संचालक कृष्ण ढकाल सदस्यका सदस्यका उम्मेदवार बनेका छन् ।
यता वैदेशिक रोजगार व्यवसायी प्रगतिशील मञ्च नेपाल र एकीकृत वैदेशिक रोजगार व्यवसायी संगठनबीच तालमेलमा बनेको अध्यक्षका उम्मेदवार नरेश गेलालको प्यानल बुधवार घोषणा हुँदैछ । संघका पूर्वमहासचिव र मञ्चका पूर्वअध्यक्ष रहेका गेलाल एचआर इन्टरनेसनल सर्भिस प्रा. लि.का संचालक हुन् ।
नरेश गेलाल प्यानलको सरोजकुमार पोखरेल निर्वाचन परिचालन मूल समारोहका संयोजक रहेका छन् ।
गेलाल नेतृत्वको प्यानलको महासचिवमा मञ्चका अध्यक्ष तथा रावल इन्टरनेसनल प्रा. लि.का संचालक जनक रावलको उम्मेदवारी तय भएता पनि लोकतान्त्रिकबाट आउने वर्तमान सचिव कर्ण कटुवाललाई महासचिव बनाउने पक्कापक्की भएको छ । प्रथम उपाध्यक्षमा अल करिम ह्युमन रिसोर्स प्रा. लि.का संचालक सञ्जु गुरुङ, तृतीय उपाध्यक्षमा न्यु अल्फा एचआर प्रा. लि.का संचालक बैकुण्ठ पौडेल वैभव, कोषाध्यक्षमा कालिञ्चोक एचआरकी संचालक धनु सिँजाली उम्मेदवार बन्ने बताइएको छ ।
अल करिमका संचालक गुरुङ हाल संघको द्वितीय उपाध्यक्ष र अल्फाका पौडेल कार्यसमिति सदस्य हुन् । संगठनको सिफारिसमा द्वितीय उपाध्यक्षमा संगठनका महासचिव इम्प्लोइमेन्ट लिंक नेपाल प्रा. लि.का संचालक मधुकर रिजाल, सचिवमा संगठनका सचिव तथा कन्फिडेन्ट इन्टरनेसनल म्यानपावर प्रा. लि.का संचालक अनिल बोगटीले उम्मेदवारी दिने तय भएको छ । कार्यसमिति सदस्यका उम्मेदवारका बारेमा छलफल चलिरहेको बताइएको छ ।
संघको निर्वाचनमा यो पटक भएको तालमेल र गठबन्धनले कस्तो परिणाम निकाल्ने हो आगामी चैत्र २९ गतेसम्म कुर्नै पर्ने देखिन्छ ।
0 प्रतिक्रिया
नागरिक उन्मुक्ति र जनमत पार्टीबीच एकता प्रक्रिया अन्तिम चरणमा
दुई राजनीतिक दल जनमत पार्टी र नागरिक उन्मुक्ति पार्टीबीच हुन लागेको पार्टी एकीकरणको प्रक्रिया छिटै टुंगिने भएको छ । पार्टी […]
नेपाल स्काउटको आन्दोलन स्थगित, ५ बुँदे सहमति
काठमाडौं । नेपाल सरकार, युवा तथा खेलकुद मन्त्रालयले सहसचिव सुवास चन्द्र शिवाकोटीको नेतृत्वमा गठन गरेको सरकारी वार्ता टोली र नेपाल […]
वायु प्रदूषणको खतरामा काठमाडौं (तस्बिरहरू)
काठमाडौं उपत्यकाको वायु प्रदूषण एक सातादेखि उच्च रहेको छ । आइतबारदेखि निकै अस्वस्थकर भएको काठमाडौंको वायुको गुणस्तर केही स्थानमा खतराको […]
६ वटा संसदीय समितिको बैठक बस्दै, यी हुन् कार्यसूची
संघीय संसद अन्तर्गत विभिन्न ६ वटा समितिको बैठक बस्दैछ । आज कानून, न्याय तथा मानवअधिकार समिति, कृषि, सहकारी तथा प्राकृतिक […]
मौसम पूर्वानुमान : उच्च पहाडी तथा हिमाली भू-भागमा हिमपातको सम्भावना
जल तथा मौसम विज्ञान विभाग मौसम पूर्वानुमान महाशाखाले हाल देशमा पश्चिमी र स्थानीय वायुको आंशिक प्रभाव रहेको जनाएको छ । […]
