मलेसियाको कम्पनी केरी इन्ग्रिडियन्सले दियो मृतक मगरका परिवारलाई २५ लाख
- रोजगारमञ्च
- भदौ ११, २०८१
- 0
मलेसियामा कार्यरत रहेको अवस्थामा आत्महत्या गरेका नेपाली कामदार यमबहादुर रमाली मगरका आश्रित परिवारलाई मलेसियाको केरी इन्ग्रिडियन्स एसडीएन बिएचडीले करिब २५ लाख रुपैयाँ सहयोग पठाएको छ ।
मलेसियाको उपभोग्य सामाग्री उत्पादक कम्पनी केरीको पेनाङ शाखामा कार्यरत रहेको अवस्थामा नवलपुर जिल्लाको कावासोतीका ३५ वर्षीय यमबहादुर रमाली मगरले गत मे २४ तारिकमा आत्महत्या गरेका थिए ।
काठमाडौंको अल्फा सिग्मा ओभरसिज प्रा.लिबाट मलेसिया गएका मगरका परिवारलाई उक्त रकम प्रदान गरिएको हो । अल्फा सिग्माका अध्यक्ष प्रवीन कुमार अग्रवालले स्वर्गीय रमाली मगरकी श्रीमती युमाया रिलामी मगरलाई उक्त रकम बराबरको चेक हस्तान्तरण गरे ।
मलेसियाका कम्पनीमा कार्यस्थलमा हुने दुर्घटनाको क्षतिमा मात्रै बीमा कभरेज हुने भएपनि कम्पनीको विशेष पहलमा आत्महत्या गरेका मगरको आश्रित परिवारले सहयोग पाएको म्यानपावर कम्पनीले बताएको छ ।
मलेसियाको कम्पनीले दिएको पैसाबाट आफ्नो परिवारमा ठूलो सहयोग पुग्ने मगरकी श्रीमतिले आभार प्रकट गरिन् ।
उक्त कम्पनीमा एक हजार बढी नेपाली कामदार कार्यरत रहेकोे र उनीहरुलाई मनोसामाजिक परामर्श दिन डा. कमल गौतमलाई पठाइएको थियो । उनले पाँचदिने मनोचिकित्सा परामर्श प्रदान गरेका थिए ।
सहयोग हस्तान्तरण कार्यक्रम सञ्चालन गरेका नेपाल वैदेशिक रोजगार व्यवसायी संघका पूर्वतृतीय उपाध्यक्ष एवम् गोल्डेन गेटवे इन्टरनेशनल प्रा.लि.का सञ्चालक मुक्तिनाथ अधिकारीले सहयोग रकमको सही सदुपयोग गरी आश्रित सन्तानको शिक्षादिक्षामा लगानी गर्न आग्रह गरे ।
0 प्रतिक्रिया
भ्रष्टाचार अभियोगमा आठ जनाविरुद्ध मुद्दा दायर
अख्तियार दुरुपयोग अनुसन्धान आयोगले भ्रष्टाचार अभियोगमा आठ जनाविरुद्ध मुद्दा दायर गरेको छ । धादिङको रुबीभ्याली गाउँपालिकाका तत्कालीन प्रमुख प्रशासकीय अधिकृत […]
शक्ति समूहकी संस्थापक सुनिता दनुवारको निधन
मानव बेचबिखन विरुद्धकी अग्रणी अभियन्ता तथा शक्ति समूहकी संस्थापक अध्यक्ष सुनिता दनुवारको आज बिहान निधन भएको छ । पारिवारिक स्रोतका […]
आज पाँच संसदीय समितिको बैठक बस्दै
सोमबार एकै दिन पाँच वटा संसदीय समितिको बैठक बस्दैछ । जसअन्तर्गत बिहान ११ बजे विकास, आर्थिक मामिला तथा सुशासन समितिको […]
सहकारी ठगी प्रकरण मुद्दामा रवि लामिछानेविरुद्ध आजदेखि थुनछेक बहस
राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध कास्की अदालतमा दायर सहकारी ठगी प्रकरण मुद्दामा आजदेखि थुनछेक बहस हुने भएको […]
कांग्रेसका संस्थापक नेता कृष्णप्रसाद भट्टराईको १०१ औँ जन्मजयन्ती मनाइँदै
नेपाली कांग्रेसका संस्थापक नेता कृष्णप्रसाद भट्टराईको आज १०१औँ जन्मजयन्ती मनाइँदैछ । नेपाली कांग्रेस, यसका भ्रातृ एवं शुभेच्छुक संस्थाले विभिन्न कार्यक्रमका […]
