स्वास्थ्य क्षेत्रमा नेपाली लिन इच्छुक रहेको भन्दै नेपाली कामदार पठाउन ओमानको आग्रह

• रोजगारमञ्च
• असार ३, २०७६
• 0

खाडी मुलुक ओमानले स्वास्थ्य क्षेत्रका लागि नेपाली लिन इच्छुक रहेको भन्दै नेपाली कामदार पठाउन आग्रह गरेको छ ।

ओमानका लागि नेपाली राजदूत शर्मिला पराजुली ढकालसँगको शिष्टाचार भेटमा ओमानका स्वास्थ्यमन्त्री डाक्टर अहमद बिन मोहम्मद पवन ओबइड अलसादीले उक्त आग्रह गरेका हुन ।

मन्त्री अलसादीले ओमानमा स्वास्थ्य क्षेत्रमा प्रशस्त अवसर रहेको भन्दै डाक्टर, नर्स, ल्याब टेक्निसियन, फार्मेसिस्टलगायतका पदमा नेपाली कामदार लिन इच्छुक रहेको बताएका दुतावासका एक कर्मचारीले जानकारी दिए ।

उक्त अवसरमा ओमानमा रहेका नेपाली कामदारको अवस्था र अवसरका बारेमा पनि छलफल भएको दुतावास स्रोतले जानकारी दियो ।

मन्त्री अलसादीले गरेको प्रस्तावको स्वागत गर्दै राजदूत ढकालले नेपाल सरकार र ओमान सरकारबीच श्रम समझदारीको अन्तिम तयारी भइरहेकोले यसपछि नेपाली कामदार पठाउन पहल गरिने बताएकी थिइन् ।

नेपाल सरकारले पहिलो पटक ओमान सरकारसँग शुन्य लागतमा जान पाउने गरी अधिकतम सुरक्षासहितको श्रम समझदारी गर्दैछ । यसका लागि दुवै मुलुकका अधिकारीबीच अन्तिम मस्यौदामा सहमति जुटिसकेको छ भने छिट्टैनै समझदारी पत्रमा हस्ताक्षर गर्नका लागि मिति तयको तयारी भैरहेको श्रम, रोजगार तथा सामाजिक सुरक्षा मन्त्रालयले जानकारी दिएको छ ।

सम्बन्धित शीर्षकहरु

मुगुका युवा रोजगारीका लागि भारत र ठूला सहरतिर पलायन

वैदेशिक रोजगारीको कहर : १५ वर्षमा १४ हजारभन्दा बढीको मृत्यु

खाडी गएका सबै महिलाहरुसँग दुव्यर्वहार हुन्छ भन्ने भाष्य गलत : मन्त्री भण्डारी

वैदेशिक रोजगारीमा जाने कामदारको स्वास्थ्य परीक्षणमा भएको विकृति हटाउँछौं : सचिव निरौला

आकर्षण इन्टरनेशनलले मनायो अन्तर्राष्ट्रिय आप्रवासी दिवस (फोटोफिचर)

फ्रि भिसा फ्रि टिकटबाट १५ हजार मानिस मात्र लाभान्वित भएका छन् : मन्त्री भण्डारी

आज अन्तर्राष्ट्रिय आप्रवासी दिवस मनाइदै

रोजगार महाशाखा स्थापनाको तयारीमा श्रम मन्त्रालय

प्रदेश लोक सेवा आयोगले माग्यो विभिन्न पदमा जनशक्ति

भैरहवामा वैदेशिक रोजगारका सबै सेवा उपलब्ध गराउने प्रतिवद्धता