डिजेल र मट्टीतेलको मूल्य प्रतिलिटर १० रुपैयाँले घट्यो, पेट्रोलको भने यथावत

जेष्ठ २, २०८०
0

नेपाल आयल निगमले डिजेल र मट्टीतेलको मूल्य प्रतिलिटर १०-१० रुपैयाँ घटाएको छ । पेट्रोलको मूल्य भने यथावत राखेको छ ।

मूल्य घटेपछि डिजेल र मट्टीतेलको मूल्य प्रतिलिटर १ सय ५५ रुपैयाँ पर्नेछ भने पेट्रोलको मूल्य यथावत रहदा प्रतिलिटर १७५ रुपैयाँ नै पर्ने भएको छ ।

भारतीय आयल कर्पोरेसन (आईओसी)ले अघिल्लो पटकको मूल्यभन्दा डिजेलमा प्रतिलिटर ८ रुपैयाँ १३ पैसाका दरले घटाएर पठाएपछि निगमले प्रतिलिटर १० रुपैयाँ घटाएको हो ।

आईओसीले पेट्रोलमा प्रतिलिटर ९ रुपैयाँ ५२ पैसा घटाएर पठाएको थियो । तर, भारत र नेपालबीचको मूल्यान्तरलाई कारण देखाउँदै निगम सञ्चालक समितिले पेट्रोलको मूल्य यथावत राख्ने निर्णय गरेको छ ।

नयाँ खुद्रा बिक्री मूल्य मंगलबार राति १२ बजेदेखी लागु हुने छ ।

सम्बन्धित शीर्षकहरु