बिहीबार बिहान ५ बजेसम्मका लागि मात्रै सेवा अवरुद्ध भएको होः यातायात विभाग

चैत्र १०, २०७८
0

यातायात व्यवस्था विभागले अनिश्चितकालका लागि सेवा बन्द गर्ने भनी आएको समाचार सत्य नभएको स्पष्ट पारेको छ ।

विभागले आज एक विज्ञप्ति जारी गर्दै केही सञ्चारमाध्यममा आएको समाचार गलत भएको भन्दै बिहीबार बिहान ५ बजेसम्मका लागि मात्रै सेवा अवरुद्ध भएको जनाएको छ ।

विभागका प्रवक्ता तथा सूचना अधिकारी डा लोकनाथ भुसालले विभागको सर्भरमा विद्युत् आपूर्ति प्रणाली परिवर्तन गर्नुपर्ने भएकाले हालका लागि सर्भर बन्द रहेको स्पष्ट पारे ।

विभागले प्रदान गर्ने सेवा विहिबार विहानबाट सुचारु हुने विभागले जनाएको छ ।

–रासस

सम्बन्धित शीर्षकहरु