दस अर्बको विकास ऋणपत्र बिक्री गर्दै राष्ट्र बैङ्क

• फाल्गुन ८, २०७८
• 0

नेपाल राष्ट्र बैङ्कले आइतबार १० अर्ब रुपियाँ बराबरको विकास ऋणपत्र बिक्री गर्ने भएको छ । पाँचवर्षे अवधिको विकास ऋणपत्र २०८३ ‘च’ जारी गर्न लागेको राष्ट्र बैङ्कले जनाएको छ ।

बोलकबोल प्रक्रियाबाट बिक्री हुने ऋणपत्र खरिदका लागि बैङ्क तथा वित्तीय संस्था, गैरबैङ्क वित्तीय संस्था, बीमा कम्पनी, सङ्गठित संस्था तथा आम सर्वसाधारणले नेपाल राष्ट्र बैङ्कको राष्ट्र ऋण व्यवस्थापन विभागमा आवेदन दिनुपर्ने शुक्रबार जारी सूचनामा उल्लेख छ ।

प्रतिस्पर्धी खरिदकर्तालाई निष्काशित रकमको ८५ प्रतिशत अर्थात् आठ अर्ब ५० करोड रुपियाँ छुट्याइएको छ र अप्रतिस्पर्धीका लागि १५ प्रतिशत अर्थात् एक अर्ब ५० करोड छुट्याइएको छ ।

ऋणपत्रका इच्छुक लगानीकर्ताले फागुन ८ गते दिउँसो ३ बजेसम्म अनलाइन बिडिङ सफ्टवेयरमार्फत बोलपत्र पेस गर्नुपर्नेछ । ऋणपत्रमा न्यूनतम ५० हजार र बढीमा निष्कासित रकमको सीमा नबढाई ५० हजारले भाग गर्दा निःशेष भाग जाने अङ्कसम्म माग गर्न सकिने राष्ट्र बैङ्कले जनाएको छ ।

फागुन ८ गते निष्कासन हुने ऋणपत्र २०८३ फागुन ९ गते साँवा भुक्तानी हुने तथा बोलकबोलको माध्यमबाट ब्याजदर निर्धारण हुने विकास ऋणपत्रको अर्धवार्षिक रूपमा ब्याज भुक्तानी हुने राष्ट्र बैङ्कले जनाएको छ । साथै ऋणपत्र धितो राखी बैङ्क तथा वित्तीय संस्थाबाट कर्जा लिन पनि सकिने राष्ट्र बैङ्कले जनाएको छ ।

सम्बन्धित शीर्षकहरु

गौतमबुद्ध विमानस्थल दिगो सञ्चालन गर्न चेम्बरको माग

‘जुत्ता एक्सचेन्ज’ अफरसहित जावलाखेल चोकमा शोरुम खुल्यो, पुरानो जुत्तासँग नयाँ साट्ने सुनौलो अवसर

मौद्रिक नीतिको समीक्षा सार्वजनिक (पूर्णपाठसहित)

शुक्रबारसम्ममा किसानले पाउने उखुको समर्थन मूल्य सार्वजनिक हुने

डिजिटल भुक्तानीमा नेपालको फड्को : क्यूआर कोडप्रति बढ्दो आकर्षण

नेप्से परिसूचक ८.३० अंकले घट्यो, कारोबार रकममा पनि कमी

नेपाल र फिनल्याण्डबीच सार्वजनिक लगानी परिचालन परियोजनासम्बन्धी सम्झौतामा हस्ताक्षर

विवाहको मौसममा सुनको मूल्य कम हुँदा बजारमा चहलपहल

आयल निगमको भलबारी डीपो स्थानान्तरणको तयारी, तीन अर्ब २० करोडमा अत्याधुनिक डीपो बन्ने

नेप्से ३९.७० अङ्कले वृद्धि, परिसूचक २७५६.३६ मा