अरुण तेस्रोको काम ठप्प पार्ने संघर्ष समितिको चेतावनी

• पुस २७, २०७८
• 0

अरुण तेस्रो प्रवेशर्माग मुआब्जा पीडित संघर्ष समितिले आन्दोलनको घोषणा गरेको छ ।

समितिका केन्द्रीय संयोजक जनिकुमार राईले अरुण तेस्रो परियोजनाको निर्माण कार्य ५० प्रतिशत सम्पन्न हुँदासमेत मुआब्जा नपाएकाले आन्दोलनको घोषणा गर्नु परेको बताए । उनले यहि माघ ५ गतेदेखि चरणबद्ध आन्दोलनको घोषणा गरेको जानकारी दिए । आयोजना प्रभावित यहाँका झण्डै ४ सय घर धुरी मुआब्जापीडित आन्दोलनमा सरीक हुने उनको भनाई छ ।

सरोकार समितिका स्थानीय संयोजक हर्कसिंह राईले लगानी बोर्डले यहाँको झण्डै ५ सय २४ रोपनी जग्गाको मुआब्जा बितरणको अनुमानित बजेटको बारेमा जिल्ला प्रशासन कार्यालय संखुवासभालाइ ४ महिना अगाडि नै सोधनी भए पनि प्रशासनले कुनै सुनुवाई नगरेका कारण आन्दोलन गर्नु परेको बताए ।

उनीहरुले पिडिएमा लेखिए बमोजिम स्थानीयको हकअधिकारको ग्यारेण्टी हुनु पर्ने र सम्पूर्ण समस्या सामधान गर्न कम्तीमा १ अर्व बजेट बिनियोजन गर्न पनि माग गरेका छन् । त्यसै गरी सर्वदलीय र सर्वपक्षिय बैंठकको निर्णय अनुसार सालाखाला प्रतिरोपनि १५ लाख रुपैया निर्धारण गर्न पनि माग गरेकाछन् । आयोजना क्षेत्रमा दर्ता छुट जग्गाको लागि राहत र पुर्नवासको मागसमेत उनीहरुले राखेका छन् ।

संयोजक राईले आफ्ना माग प्रति बेवस्ता गरे प्रवेशमार्ग बन्द गरी पावर हाउसको काम ठप्प पार्ने चेतावनी दिए । स्थानीयले पावरहाउँस जाने प्रवेशमार्ग छ्याङकुटी, दिदीङ सडक खण्डको २४ किलोमिटर सडकको छुट मुआब्जा पाउन सकेका छैनन् । संखुवासभाका सहायक प्रमुख जिल्ला अधिकारीको संयोजकत्वमा सातवटा सरकारी निकायको कार्यदलले अध्ययन गरी गत बर्ष फागुन ११ गते लगानी बोर्डको कार्यालयमा पेश गरी सकेको छ ।

अरुण तेस्रो जलबिद्युत आयोजनाबाट सर्वसाधरण पीडित हुँदासमेत स्थानीय राजनीतिक दल मुकदर्शक भएको आरोप उनीहरुले लगाएका छन् । बिगतमासमेत आफ्ना अधिकारको लागि पटक–पटक आन्दोलन गरेको तर, सम्झौता अनुसार कार्यान्वयन नभएकाले पुनःआन्दोलन गर्नु परेको उनीहरुको भनाई छ ।

आफ्ना माग बारे प्रधानमन्त्री शेरबहादुर देउवा र गृहमन्त्री बालकष्ण खाँणको ध्यानाअकर्षण गराई सकेको राईको भनाई छ । उनीहरुले यो आन्दोलनबाट सबै टुंगो लाग्ने पनि चेतावनी दिएका छन् । आफ्नो अधिकारका लागि मर्न समेत पछि नहट्ने भन्दै गाँसबासको उचित सुरक्षाको ग्यारेण्टी नभएसम्म आन्दोलन जारी रहने उनीहरुको भनाई छ ।

सम्बन्धित शीर्षकहरु

गौतमबुद्ध विमानस्थल दिगो सञ्चालन गर्न चेम्बरको माग

‘जुत्ता एक्सचेन्ज’ अफरसहित जावलाखेल चोकमा शोरुम खुल्यो, पुरानो जुत्तासँग नयाँ साट्ने सुनौलो अवसर

मौद्रिक नीतिको समीक्षा सार्वजनिक (पूर्णपाठसहित)

शुक्रबारसम्ममा किसानले पाउने उखुको समर्थन मूल्य सार्वजनिक हुने

डिजिटल भुक्तानीमा नेपालको फड्को : क्यूआर कोडप्रति बढ्दो आकर्षण

नेप्से परिसूचक ८.३० अंकले घट्यो, कारोबार रकममा पनि कमी

नेपाल र फिनल्याण्डबीच सार्वजनिक लगानी परिचालन परियोजनासम्बन्धी सम्झौतामा हस्ताक्षर

विवाहको मौसममा सुनको मूल्य कम हुँदा बजारमा चहलपहल

आयल निगमको भलबारी डीपो स्थानान्तरणको तयारी, तीन अर्ब २० करोडमा अत्याधुनिक डीपो बन्ने

नेप्से ३९.७० अङ्कले वृद्धि, परिसूचक २७५६.३६ मा