हिमालय सीमापार बाणिज्य संघद्धारा विर अस्पताललाई निःशुल्क खानेपानी सहयोग

• रोजगारमञ्च
• जेष्ठ ६, २०७८
• 0

कोभिड–१९ र जारी निशेधाज्ञाका कारण खानेपानीको समस्या भोग्दै आएका विर अस्पतालका डाक्टर, कर्मचारी, विरामी तथा उनीहरुका आफन्तको प्रयोजनका लागि नेपाल हिमालय सीमापार बाणिज्य संघले निःशुल्क खानेपानी उपलब्ध गराएको छ ।

संघका अध्यक्ष अशोक कुमार श्रेष्ठसहितका पदाधिकारीहरुले विर अस्पताल पुगेर अस्पताल प्रशासनलाई निःशुल्क मिनिरल वाटर सहयोग स्वरुप हस्तान्तरण गरेको हो ।

संघले पहिलो चरणमा १ ट्रक पानी सहयोग उपलब्ध गराएको र आगामी दिनमा यी दुई अस्पतालसँगै अन्य सरकारी अस्पतालहरुमा पनि यसरी नै आवश्यक सहयोग जारी राख्ने अध्यक्ष श्रेष्ठले बताउनुभयो ।

‘विशेषगरी निम्नवर्गका नागरिकहरु उपचारका लागि आउने विर अस्पतालमा खानेपानीको समस्या भएको थाहा पाएपछि सानै भएपनि सहयोगको हात बढाएका हौ, आगामी दिनमा यस्तो समस्या रहेका अन्य सरकारी अस्पतालमा पनि यसरी नै सहयोग उपलब्ध गराउने छौ’ अध्यक्ष श्रेष्ठले बताउनुभयो ।

विसं २०७२ को भूकम्प यता सीमानाका सहज सुचारु हुन नसक्दा र पछिल्लो १ वर्षयता कोभिड–१९ बाट सिर्जित परिस्थितीका कारण नेपाल–चिनबीच व्यापार व्यवसाय गर्ने व्यवसायीहरु अत्यन्तै मर्कामा रहेका भएपनि मानविय धर्म निर्वाहमा भने यसरी नै जुटिरहने श्रेष्ठले बताउनुभयो ।

सम्बन्धित शीर्षकहरु

नेप्से ३९.७० अङ्कले वृद्धि, परिसूचक २७५६.३६ मा

धितोपत्र बोर्डका नव नियुक्त अध्यक्ष श्रेष्ठले गरे पदभार ग्रहण

फेरी बढ्यो सुनचाँदीको मूल्य

धितोपत्र बोर्डको अध्यक्षमा सन्तोषनारायण श्रेष्ठ नियुक्त

सिटी एक्सप्रेस मनी ट्रान्सफरलाई मध्यमस्तरिय करदाता कार्यालयको सम्मान

आर्थिक सम्बन्धलाई सुदृढ गर्न ‘नेपाल निप्पोन चेम्बर अफ कमर्स एण्ड इन्डस्ट्रीज’ स्थापना

धितोपत्र बोर्डको अध्यक्ष चयनका लागि आज अन्तर्वार्ता लिइँदै

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

उच्चस्तरीय आर्थिक क्षेत्र सुधार सुझाव आयोगमा निजी क्षेत्रलाई समावेश

‘पद्मोदयमोड जुत्ता एक्सचेन्ज’ मेलाको सोरुम अब काठमाडौंको शान्तिनगरमा, पुरानो जुत्तासँग नयाँ साट्ने सुनौलो अवसर