आर्थिक पत्रकारका लागि डाटा माइनिङ सम्बन्धी तालिम सम्पन्न

फाल्गुन २३, २०७६
0

काठमाडौं । नेपाल आर्थिक पत्रकार (नाफिज) र नेपाल दूरसञ्चार प्राधिकरणले संयुक्त रुपमा आयोजना गरेको डाटा माइनिङ सम्बन्धीको एक दिने तालिम सम्पन्न भएको छ । १०३ जना आर्थिक पत्रकारहरु सहभागी उक्त कार्यक्रममा दूरसञ्चार प्राधिकरणका उपनिर्देशक रेवतीराम पन्थले दूरसञ्चार सम्बन्धी कानुन र दूरसञ्चार क्षेत्रको वर्तमान अबस्थाका बारेमा जानकारी गराएका थिए ।

उक्त तालिममा डाटा माइन्ङि सम्बन्धीको तालिम डाटा विज्ञ गौरव पौडेलले डाटाको महत्व, प्रयोग र स्रोतकाबारे प्रशिक्षण दिएका थिए । इनटरनेटमा रहेका सूचनाहरु कसरी खोजि गर्ने र त्यसलाई समाचारको स्रोतका रुपमा उपयोग गर्ने भन्ने विषयमा तािलम केन्द्रित थियो ।

कार्यक्रम सञ्चालन गर्दै नाफिज उपाध्यक्ष इन्द्र बानियाले नाफिजले यस प्रकारका पत्रकारका लागि आवश्यक तालिमहरु उपलब्ध गराउने कुरालाई प्राथमिकतामा राखेको जानकारी दिए । नाफिजले पत्रकारहरुको क्षमता अभिवृद्धि र तथ्यापरक सूचना प्राप्तिक लागि हरेक हप्ता साप्ताहिक अन्तरक्रिया समेत आयोजना गर्दै आएको उनले जानकारी गराए ।

नाफिज अध्यक्ष सिताराम भट्टराईको सभापतित्वमा सम्पन्न कार्यक्रममा स्वागत मनतव्य दिने क्रममा सचिव रोयल आचार्यले क्रियाशिल आर्थिक पत्रकारहरुको आवश्यकता र चाहना बमोजिम क्षमता विकासका यस्ता कार्यक्रमहरु नाफिजले नियमित र निरन्तर रुपमा आयोजना गर्ने क्रमको एक श्रृखलाको रुपमा डाटा माइनिङ तालिमलाई ब्याख्या गरेका थिए ।

सम्बन्धित शीर्षकहरु