राष्ट्रिय वाणिज्य बैंकद्धारा विद्यालयमा ‘सूचना प्रविधि कक्षा’ स्थापना

माघ १७, २०७६
0

राष्ट्रिय वाणिज्य बैंक लिमिटेडले आफ्नो संस्थागत सामाजिक उत्तरदायित्व कार्यक्रम अन्तर्गत काठमाडौंको एक विद्यालयमा सूचना प्रविधि कक्षा स्थापना गरेको छ ।

३ नम्बर प्रादेशिक कार्यालय काठमाडौं र शाखा कार्यालय टेकुले संयुक्तरुपमा कालिमाटीस्थित जनप्रभात उच्च मा.वि.मा सूचना तथा संचार प्रविधि (ICT) कक्षाको स्थापना गरी कक्षामा आवश्यक सूचना प्रविधि सम्बन्धी सामग्रीहरुको हस्तान्तरण गरेको छ ।

उक्त सामाग्री बैंकका प्रमुख कार्यकारी अधिकृत किरणकुमार श्रेष्ठले विद्यालय व्यवस्थापन समितिका अध्यक्ष रामशरण डंगोललाई सरस्वती पूजाको अवसर पारेर हस्तान्तरण गरेका हुन । सो कार्यक्रममा बैंकका प्रमुख कार्यकारी अधिकृत किरणकुमार श्रेष्ठले सरकारी विद्यालयका विद्यार्थीहरुको क्षमता बृद्धिका लागि स्थापना गरिएको सूचना तथा संचार प्रविधि कक्षाले सहयोग पु¥याउने बताए ।

विद्यालय व्यवस्थापन समितिका अध्यक्ष रामशरण डंगोलले सुचना प्रविधि कक्षा भन्नाले कम्प्यूटर सीप वृद्धि गर्नु मात्र नभएर कम्प्यूटर र अन्य प्रविधिका उपकरणको प्रयोग गरी अडियो भिडियो प्रणाली मार्फत शैक्षिक विषयमा विद्यार्र्थीहरुलाई मनोरञ्जनमूलक रुपमा ज्ञान दिने थलो भएकाले यसबाट विद्यार्थीहरुले अधिकतम लाभ लिन सक्ने बताए ।

सो कार्यक्रममा बैंकका उपकार्यकारी अधिकृत देवेन्द्ररमण खनाल, ३ नम्बर प्रादेशिक कार्यालयकी प्रबन्धक सोनी श्रेष्ठ, शाखा कार्यालय टेकुका प्रबन्धक युवराज घिमिरे, प्रबन्धक रविन्द्र पोखरेल, उपप्रबन्धक गणेश प्रधान, विद्यालयका प्रधानाध्यापक सत्यन्द्रलाल कर्ण, शिक्षिका विजयाश्री बज्राचार्य लगायतकोे उपस्थिति रहेको थियो ।

सम्बन्धित शीर्षकहरु