नाफिजको महिला विभाग प्रमुखमा बुढाथोकी

भदौ ११, २०७६
0

नेपाल आर्थिक पत्रकार संघ (नाफिज) को महिला विभाग गठन गरिएको छ ।

मंगलवार भएको विशेष भेलाले महिला विभाग प्रमुखमा आर्थिक अभियान दैनिककी संवाददाता प्रजिता बुढाथोकीलाई चयन गरेको छ । सात सदस्यीय विभागमा आर्थिक अभिायन दैनिककै मल्लिका घिमिरे,पत्रकारहरु सुधा देवकोटा,दिप्ती भट्ट र रिना खत्री,मिना आचार्य,सपना महर्जन रहेका छन् ।

महिला विभागकी प्रमुख बुढाथोकीले आर्थिक पत्रकारिता गरिरहेका महिलाहरुको सामुहिक समस्याको विषयमा आवाज उठाउन विभागको तर्फबाट पहल हुने बताइन् । नव गठित विभागकी प्रमुख नाफिज केन्द्रिय कार्यसमिति सदस्य पनि हुन् ।

कार्यक्रमका प्रमुख अतिथि एवं प्रतिनिधि सभा,विकास तथा प्रविधि समिति सभापति कल्याणी खड्काले नवगठित विभागका पदाधिकारीहरुलाई शुभकामना दिर्दै आगामी दिनमा सरकारको तर्फबाट गर्नु पर्ने सहयोगको लागि तयार रहेको बताईन् ।

श्रृष्टिको सृजना गर्ने महिलाहरुले जुन सुकै काम गर्न सक्ने बताउँदै उनले आर्थिक पत्रकारितामा आफ्नो छुट्टै पहिचान बनाउन महिला पत्रकारहरु निरन्तर लाग्नुपर्नेमा जोड दिइन् ।

सभापतिको आसनबाट नाफिजका अध्यक्ष सीताराम भट्टराईले आर्थिक पत्रकारितामा महिलाको विशेष भुमिकाको आवश्यकतालाई महसुस गरी महिला सशक्तिकरणको सुरुवातका लागि विभाग गठन गरिएको बताए ।

सम्बन्धित शीर्षकहरु