माछापुच्छ्रेले ल्यायो रेमिट्यान्सको ‘रेमिट्याप’ डिजिटल वालेट

• चैत्र २५, २०७५
• 0

माछापुच्छ्रे बैंक, टाइम्स रेमिट र ए.एम.भी. टेल कम्पनीले रेमिट्यान्स सेवाको सहजताका लागि ‘रेमिट्याप’ मोवाइल वालेट सेवा सञ्चालन सम्वन्धी त्रिपक्षीय सम्झौता सम्पन्न भएको छ ।

‘रेमिट्याप’ मोवाइल वालेटबाट सेवा प्रवाह गर्ने सम्वन्धी उक्त सम्झौतामा माछापुच्छ्रे बैंकका प्रमुख कार्यकारी अधिकृत सुमन शर्मा, टाइम्स रेमिटका प्रवन्ध निर्देशक प्रमिल स्थापित र ए.एम.भी. टेल कम्पनीका तर्फबाट को–फाउण्डर अनिल शर्माले हस्ताक्षर गरेका हुन । यो सम्झौतासँगै ई–रेमिट्यान्स तथा ई–पेमेण्ट माध्यमबाट छिटो, सस्तो र सहज तरिकाले रेमिट्यान्स पठाउन सकिने बैंकले जनाएको छ ।

सम्झौता पछि बोल्दै माछापुच्छ्रे बैंकका सिइओ सुमन शर्माले यस सहकार्यले बैंकबाट प्रवाह हुने रेमिट्यान्स सेवा थप सहज, प्रविधियुक्त र विस्तार हुनेमा आफु विश्वस्त रहेको बताए ।

यस्तै टाइम्स रेमिटका प्रवन्ध निर्देशक प्रमिल स्थापितले माछापुच्छ्रे बैंकसँगको सहकार्यले थप सेवा विस्तारमा टेवा पु¥याउने बताए भने एएमभी टेल कम्पनीका को–फाउण्डर अनिल शर्माले प्रविधिको नयाँ प्रयोगसहित सेवा आरम्भ गर्न पाएकोमा खुसी व्यक्त गरे ।

कार्यक्रममा नेपाल रेमिटर्स एसोसिएसनका अध्यक्ष सुमन पोखरेलले यो सेवा आरम्भले रेमिट्यान्स क्षेत्रमा नयाँ आयाम थपेको बताउदै स्मार्ट फोन र इन्टरनेटको पहुँच ६५ प्रतिशतभन्दा बढीको पहुँचमा पुगिसकेकाले सेवाग्राहीले थप सहजता महसुस गर्ने बताए ।

‘रेमिट्याप’ वालेटमा अनलाइन, मर्चेन्ट भुक्तानी लगायतका विविध सेवा ‘इन्किृप्टेड भर्चुअल मनी कार्ड’ मार्फत गर्न सकिने प्रविधि समेत रहेको बैंकले जानकारी दिएको छ । हाल रेमिट्यान्स पठाउने विधिभन्दा सहज, सस्तो र परिवारजनको बैंक खाता वा वालेटमै पैसा पठाउने सुविधा रहेको र देशका १० हजार ठाँउबाट सहजै भुक्तानी पाउन सकिने व्यवस्था रहेको पनि बैंकले जनाएको छ ।

यो सेवाको सुभारम्भसँगै विदेशमा रहेका नेपालीहरुले ‘रेमिट्याप’ वालेट प्रयोग गरि स्वदेशमा रेमिट्यान्स पठाउन सक्ने र डोमेस्टिक रेमिटयान्स र विल भुक्तानीको सुविधा पनि उपयोग गर्न पाउने जनाइएको छ । साथै ग्राहकहरुले आफ्नो बैंक खाताबाट वालेटमा तथा वालेटबाट बैंक खातामा रकम स्थानान्तरण गर्न सक्नेछन ।

हाल बैंकले ९९ शाखा, ७६ शाखारहित बैंकिङ सेवा गरी १७५ स्थानबाट सेवा प्रदान गर्दै आइरहेको छ भने १२१ वटा एटिएम संचालनमा ल्याएको छ ।

सम्बन्धित शीर्षकहरु

आर्थिक सम्बन्धलाई सुदृढ गर्न ‘नेपाल निप्पोन चेम्बर अफ कमर्स एण्ड इन्डस्ट्रीज’ स्थापना

धितोपत्र बोर्डको अध्यक्ष चयनका लागि आज अन्तर्वार्ता लिइँदै

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

उच्चस्तरीय आर्थिक क्षेत्र सुधार सुझाव आयोगमा निजी क्षेत्रलाई समावेश

‘पद्मोदयमोड जुत्ता एक्सचेन्ज’ मेलाको सोरुम अब काठमाडौंको शान्तिनगरमा, पुरानो जुत्तासँग नयाँ साट्ने सुनौलो अवसर

नेपालले प्राप्त गरेको क्रेडिट रेटिङ्ग सन्तोषजनक छ : अर्थमन्त्री पौडेल

११ एयरलाइन्सले बुझाए हवाई भाडादरको विवरण

ऊर्जा दक्षता प्रवद्र्धनको निमित्त अनुुदान योजनाको शुुभारम्भ

राजस्व सङ्कलन १७ प्रतिशतले वृद्धि, कर सङ्कलनको सिस्टम ब्रेक गर्न खोज्नेलाई कारवाही गर्न निर्देशन

एनसेलमा भ्वाइस सेवा डेटासँग वा डेटा सेवा भ्वाइससँग साट्न सकिने सुविधा