आन्तरिक बिप्रेशण गर्दा रेमिट्यान्स कम्पनीबाट पठाउन पाइने रकमको सीमा घटाइयो

एक पटकमा ६० हजारभन्दा बढी नगद पठाउन नपाइने

• रोजगारमञ्च
• माघ २१, २०७५
• 0

नेपाल राष्ट्र बैंकले आन्तरिक बिप्रेशण गर्दा रेमिट्यान्स कम्पनीबाट पठाउन पाइने रकमको सीमामा कडाई गर्दै घटाएको छ ।

राष्ट्र बैंकको नयाँ निर्देशन अनुसार अब स्वदेशमै एक ठाउँबाट अर्को ठाउँमा रेमिट्यान्स कम्पनीमार्फत दैनिक ६० हजारसम्म मात्र नगद पठाउन र झिक्न पाइने भएको छ । यसअघि यो सीमा १ लाखसम्म थियो ।

६० हजारभन्दा बढी रकम एकै पटक पठाउनु परेको खण्डमा भने बैंक खातामार्फत पठाउनुपर्नेछ । अथवा अर्को दिन पुनः ६० हजार रुपैयाँसम्मकै रकम रेमिट्यान्स कम्पनीमार्फत पठाउन सकिनेछ ।

नगद कारोबारलाई निरुत्साहित गर्ने उद्देश्यले आन्तरिक रेमिट्यान्समा यस्तो व्यवस्था गरिएको राष्ट्र बैंकले जानकारी दिएको छ ।

यो व्यवस्थाले नगदको दुरुपयोग घटाउने भएकाले रेमिट्यान्स कम्पनीहरुले यस कार्यमा सहयोग गर्ने नेपाल रेमिर्टश एसोसिएसनका अध्यक्ष तथा आइएमई रेमिट्यान्स कम्पनीका प्रमुख कार्यकारी अधिकृत सुमन पोखरेलले बताए ।

उता विदेशबाट रेमिट्यान्स रकम पठाउनेहरुको हकमा भने कुनै सीमा तोकिएको छैन । तर रकम भुक्तानी लिदा भने रेमिट्यान्स कम्पनीबाट दैनिक १ लाखभन्दा बढी नगद पाइने छैन । एक लाखभन्दा बढी रकम भुक्तानी लिनुपरेमा रेमिट्यान्स कम्पनीहरुले बैंक खातामार्फत भुक्तानी गर्नुपर्ने व्यवस्था छ ।

सम्बन्धित शीर्षकहरु

भृकुटीमण्डपमा बडादशैं जुत्ताचप्पल मेला, ८ हजार भन्दा बढी डिजाइनका जुत्ताचप्पल ६० प्रतिशतसम्म छुटमा पाइने

‘विकास र पर्यावरणीय दिगोपनबीचको सन्तुलन मिलाउन गम्भीर चुनौतीहरूको सामना गर्नुपरेको छ’

उद्योग वाणिज्य महासंघद्धारा ‘विजनेस इन्टेलिजेन्स सिस्टम’ संचालनमा

कुनै इन्टरनेट सेवा प्रदायक कम्पनी खरिद नगरेको एनसेलको प्रष्टोक्ति

सरकार र निजी क्षेत्र मिलेर अघि बढ्छ : मन्त्री भण्डारी

एनसेल फाउन्डेसनद्वारा पलेशा र अन्य पारा खेलाडीहरु नगद पुरस्कारसहित सम्मानित

एनसेल फाउन्डेसनको घोषणा गर्दै एनसेलले मनायो १९औं वार्षिकोत्सव, रु २० करोड सामाजिक पहलमा योगदान गर्ने प्रतिबद्धता

दुई महिनामा १ खर्ब ६९ अर्ब रुपैयाँ राजस्व संकलन

सिटी एक्सप्रेसको दशैं तिहार योजना सार्वजनिक, “१८औं वर्षमा १८ गुणा, परिवारमा खुशी लाखौ गुणा”

पेट्रोल, डिजेल र मट्टितेलको मूल्य घट्यो