अस्ट्रेलियाले खुलायो सीमा, प्रवेशका लागि अनिवार्य कोरोनाविरुद्धको खोप लगाएको हुनुपर्ने
- पुस २, २०७८
- 0
कोरोना सङ्क्रमणका कारण बन्द भएको अस्ट्रेलियाको अन्तर्राष्ट्रिय सीमा बिहीबारदेखि खुला भएको छ ।
सीमा खुलेसँगै नेपाललगायत अन्य मुलुकका विद्यार्थी र अन्य प्रकृतिका भिसावाहकहरूले अस्ट्रेलिया आवतजावत गर्न पाएका छन् तर अस्ट्रेलिया छिर्नेले अनिवार्य रूपमा कोरोनाविरुद्धको खोप लगाएको हुनुपर्नेछ । अस्ट्रेलियाले फाइजर, जोन्सन एन्ड जोन्सन, अस्ट्राजेनेकालगायतका खोपलाई मान्यता दिएको छ ।
अस्ट्रेलिया सरकारको पछिल्लो निर्णयसँगै विशेष गरी भिसा लागेर पनि अस्ट्रेलियाको सीमा बन्द भएर नेपालमै रोकिएका चार हजार नेपाली विद्यार्थीले लाभ लिनेछन् । यी विद्यार्थीहरू अहिले डलरमा शुल्क तिर्दै नेपालमै बसेर अस्ट्रेलियाका विश्वविद्यालयमा अनलाइनमा पढिरहेका छन् । अस्ट्रेलिया गएर कमाउँदै पढ्ने योजना बनाएका थुप्रै विद्यार्थी नेपालमा नै रहेर डलरमा शुल्क तिरेर पढ्नु पर्दा समस्यामा थिए ।
भिसा लागिसकेकाबाहेक सीमा खुल्ने वित्तिकै प्रक्रिया आरम्भ गर्ने योजना बनाएर थुप्रै विद्यार्थी बसेका छन् । अस्ट्रेलिया उच्च शिक्षाका लागि नेपाली विद्यार्थीका लागि सबैभन्दा आकर्षक वैदेशिक गन्तव्य हो । पाण्डेका अनुसार बुधबार राति मात्रै नेपालबाट दुई सयभन्दा बढी विद्यार्थी अस्ट्रेलिया गएका छन् ।
विदेशबाट अस्ट्रेलिया गएका विद्यार्थी तथा अन्य व्यक्तिमा कोरोना वा त्यससँग मिल्दोजुल्दो लक्षण देखिएको अवस्थामा क्वारेन्टाइनमा बस्नुपर्ने व्यवस्था यथावत् छ । पाण्डेका अनुसार यस्तो व्यवस्था पनि सहरअनुसार फरक फरक छ ।कोरोना सङ्क्रमण घट्न थालेपछि सुरुमा अस्ट्रेलिया सरकारले डिसेम्बर १ तारिखदेखि सीमा खुला गर्ने निर्णय गरेको थियो तर ‘ओमिक्रोन भाइरस’को सङ्क्रमण तीव्र बनेपछि उक्त निर्णयमा पुनर्विचार गर्दै डिसेम्बर १५ सम्मलाई सारिएको थियो ।
नेपाली विद्यार्थीका लागि अर्को आकर्षक वैदेशिक गन्तव्य जापानमा भने कोरोना सङ्क्रमणको त्रास यथावत् रहेको भन्दै जापान सरकारले नेपालीलाई प्रवेश निषेध गर्ने निर्णय यथावत् नै राखेको छ ।
0 प्रतिक्रिया
परपल काठमाडौ, ज्याकाराण्डाले राजधानी थप सुन्दर (फोटोफिचर)
राजधानीका मुख्य स्थलहरू अहिले ज्याकाराण्डा फुलेर रोमाञ्चक र परपल देखिएका छन् । वैशाखमा फुल्ने यो फूलले राजधानीको रत्नपार्क, सुनधारा, कमलपोखरी, […]
सुनकोशी मरिन डाइभर्सनको बाँकी काम निर्धारित समयमै सम्पन्न गर्न प्रधानमन्त्रीको निर्देशन
प्रधानमन्त्री पुष्पकमल दाहाल ‘प्रचण्ड’ले सुनकोशी मरिन डाइभर्सन बहुउद्देश्यीय आयोजनाको बाँकी काम निर्धारित समयमा सम्पन्न गर्न निर्देशन दिएका छन् । बुधबार […]
प्रतिनिधि सभा सदस्यमा सुहाङको शपथ आज
इलाम क्षेत्र नम्बर २ को उपनिर्वाचनबाट प्रतिनिधि सभा सदस्यमा निर्वाचित सुहाङ नेम्वाङले आज शपथ ग्रहण गर्दै छन् । सभामुख देवराज […]
दुई संसदीय समिति बैठक आज, दुवैमा विधेयकमाथि छलफल गर्ने तयारी
संघीय संसद, प्रतिनिधि सभा अन्र्तगतको दुई संसदीय समितिको बैठक आज बस्दै छ । समिति सचिवालयले प्रतिनिधि सभाको राज्य व्यवस्था तथा […]
आगलागी, डढेलो र चट्याङबाट २४ दिनमा २७ जनाको मृत्यु
आगलागी, डढेलो र चट्याङबाट वैशाख महिनाको २४ दिनमा २७ जनाको मृत्यु भएको छ । राष्ट्रिय विपद् जोखिम न्युनीनकरण तथा व्यवस्थापन […]
