कुम्भ मेलामा भागदौड हुँदा १५ बढीको मृत्यु

• माघ १६, २०८१
• 0

एजेन्सी । भारतको प्रयागराज महाकुम्भमा भागदौड हुँदा १५ जनाभन्दा बढीको मृत्यु भएको छ । प्रयागराजको संगम किनारमा मंगलबार राति भएको दुर्घटनामा अरु धेरै घाइते भएको भारतीय सञ्चार माध्यमहरुले जनाएका छन् ।

१० करोड मानिस सहभागी भएको अनुमान गरिएको विश्वको सबैभन्दा ठूलो धार्मिक मेलामा स्नान गर्ने क्रममा भएको भागदौडमा यो घटना भएको हो । भारतको प्रयागराजमा आयोजना गरिएको मेलामा हजारौैको संख्यामा तैनाथ गरिएका सुरक्षाकर्मीहरुलाई भीड नियन्त्रण गर्न मुश्किल भएको छ ।

गत १३ जनवरीदेखि शुरु भएको महाकुम्भ मेलामा हालसम्म १५ करोड व्यक्तिले गंगामा स्नान गरेको अनुमान गरिएको छ । आज बुधबार मौनी अमावस्यको १० करोडभन्दा धेरै भक्तजन कुम्भ मेलामा सहभागी हुने अनुमान गरिएको थियो ।

हरेक १२ वर्षमा आयोजना हुने कुम्भमेलालाई विश्वको सबैभन्दा ठूलो मानव जमघट हुने मेलाका रुपमा मानिन्छ । कुम्भमेलाको आज सबैभन्दा ठुलो दिन रहेकाले नदीमा नुहाउनका लागि भक्तजनहरुले तछाडमछाड गरिरहेका हुन् ।

हिन्दू धार्मिक मान्यता अनुसार कुम्भ मेलाका नुहाउँदा पापहरूबाट मुक्ति र मोक्ष प्राप्त हुन्छ । एक महिनासम्म चल्ने यो मेलामा विश्वभरका भक्तजनहरुको सहभागिता रहेको छ ।

सम्बन्धित शीर्षकहरु

प्रतिपक्ष दलको हैसियतले संसदमा सशक्त रुपमा प्रस्तुत हुने माओवादीको निर्णय

ठूलो मात्रामा उत्पादन गरेर अन्तर्राष्ट्रिय व्यापार बढाउन प्रधानमन्त्रीको आग्रह

एकीकृत समाजवादीको सचिवालय बैठक जारी

अध्यादेश अस्वीकार गर्ने विपक्षी दलहरूको अडान कायमै

विपक्षी दलका शीर्ष नेताहरूको बैठक जारी

शालिनदीमा दर्शन गर्ने भक्तजनको भीडसँगै व्यापार बढ्दो (तस्वीरहरु)

माओवादी संसदीय दलको बैठक बस्दै

सोनाम ल्होछारले राष्ट्रिय एकतालाई सुदृढ गर्न मद्दत पुग्छ : राष्ट्रपति

आज सोनाम ल्होछार, देशभर सार्वजनिक बिदा

यस्तो छ आज देशभरको मौसम