सुर्यदर्शन सहकारी ठगी प्रकरण् : रविसहित सातै जनालाई थुनामा राख्न माग गर्दै निवेदन दर्ता

• माघ ७, २०८१
• 0

सुर्यदर्शन सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछाने लगायत सातै जनालाई पुर्पक्षका लागि थुनामा पठाउने आदेश माग गर्दै उच्च अदालत पोखरामा निवेदन दर्ता भएको छ। जिल्ला सरकारी वकिलको कार्यालय कास्कीले सोमबार उच्च अदालत पोखरामा निवेदन दर्ता गरेको हो।

जिल्ला अदालत कास्कीको आदेशको बदर माग गर्दै निवेदन आएको उच्च अदालत पोखराका नायव सुब्बा राजेन्द्र अर्यालले जानकारी दिए । सरकारी वकिलको कार्यालयले दर्ता गराएको निवेदनको पेशी मंगलबारलाई तोकिएको छ।

जिल्ला अदालत कास्कीका न्यायाधीश नीतिज रार्ईको इजालसले सूर्यदर्शन सहकारी प्रकरणमा हिरासतमा रहेका राष्ट्रिय स्वतन्त्र पार्टीका सभापति रवि लामिछानेसहित सातै जनालाई धरौटीमा छोड्ने थुनछेक आदेश जारी गरेको थियो।

पुस २५ गते जारी भएको थुनछेक आदेशले रवि लामिछानेलाई ६५ लाख, पूर्वडिआईजी छविलाल जोशीलाई ८८ लाख, नेचर हब्र्सका सञ्चालक रामबहादुर खनाललाई १५ लाख, लिला पछाईंलाई ३७ लाख, पूर्वसांसदसमेत रहेकी सूर्यदर्शन सहकारीकी संस्थापक उपाध्यक्ष मीना गुरुङलाई पांच लाख, पूर्वकोषाध्यक्ष आरती गुरूङलाई पांच लाख, पूर्वसञ्चालक कृष्णबहादुर गुरूङलाई एकलाख रुपैयाँ धरौटीमा छाड्न भनेको थियो । लिला बाहेक छजना सोही दिन धरौटी बुझाएर रिहा भएका थिए । लिला भने भोलिपल्ट मात्रै धरौटी बुझाएर छुटेकी थिइन् ।

सम्बन्धित शीर्षकहरु

सुर्यदर्शन सहकारी ठगी प्रकरण् : रविसहित सातै जनालाई थुनामा राख्न माग गर्दै निवेदन दर्ता

स्वास्थ्य बीमामा सुधारका लागि मन्त्री प्रदीप पौडेलद्वारा आन्तरिक थालनी 

संसदको हिउँदे अधिवेशन माघ १८ मा बोलाउने मन्त्रिपरिषद् बैठकको निर्णय

शिक्षा क्षेत्रमा २० प्रतिशत बजेट विनियोजन गर्नुपर्छ : प्रचण्ड

सत्ता स्वार्थका लागि घुँडा टेक्नु राष्ट्रिय हित विपरित : प्रधानमन्त्री

स्वर्णलक्ष्मी सहकारी प्रकरण : छविलाल जोशीलाई ५० लाख धरौटीमा रिहा गर्न अदालतको आदेश

मन्त्रालयले बनाउँदै गरेको कृषि विधेयक महत्वपूर्ण दस्तावेज : गगन थापा

प्रहरीबाट निर्घात कुटिए युवक, भिडियो भयो सामाजिक सञ्जालमा भाइरल

पेस्तोलसहित भारतीय नागरिक पक्राउ

सार्वजनिक नीति तथा प्रत्यायोजित विधायन समितिको बैठक बस्दै