राजनीतिका नयाँ अनुहार लोकतन्त्ररुपी बगैंचामा फूलेका सुन्दर फूल हुन् : प्रचण्ड

• मंसिर १५, २०८१
• 0

माओवादी केन्द्रका अध्यक्ष एवम पूर्वप्रधानमन्त्री पुष्पकमल दाहाल प्रचण्डले पुराना दलहरु रुपान्तरण हुनुपर्ने बताएका छन् ।

शनिबार सामाजिक संजालमा आफ्नो भनाइ राख्दै अध्यक्ष प्रचण्डले नयाँ दल र व्यक्तिहरुमाथि राज्यले डण्डा हान्नु नहुने धारणा राखे ।

संघीय लोकतान्त्रिक गणतन्त्र नेपालको संविधानप्रदत्त अधिकार प्रयोग गरी नयाँ नयाँ अनुहारहरु राजनीतिक मञ्चमा उदाइरहेका छन्। जनताको अभिमत लिएर आएका नयाँ अनुहारलाई मैले लोकतन्त्ररुपी बगैंचामा फूलेका सुन्दर फूल भन्दै आएको छु,’ अध्यक्ष प्रचण्डले भनेका छन्,‘लोकतान्त्रिक प्रक्रिया अवलम्बन गर्दै पुराना भनिनेहरुको कमजोरीको जगमा जन्मेका नयाँ शक्ति र अनुहारलाई सरापेर हैन, आफ्ना कमजोरीलाई स्वीकार गरेर मात्र पुरानाहरुले आफूलाई रुपान्तरण गर्न संभव छ।’

अध्यक्ष प्रचण्डले बगैंचामा फक्रिरहेका कोपिलालाई निमोठेर हैन, फूल्न दिएर मात्रै त्यसको सही पहिचान हुने पनि औंल्याएका छन् । त्यस्तै उनले अगाडि भनेका छन्,‘ सही र गलतको पहिचान जनताले गर्छन, शासकको डण्डाले हैन। यही प्रक्रियाले मात्रै हामीले लडेर ल्याएको लोकतान्त्रिक गणतन्त्रको सुदृढीकरण गर्न सकिन्छ भन्ने मेरो विश्वास छ।’

सम्बन्धित शीर्षकहरु

एड्सबाट मृत्यु भएका मानिसको सम्झनामा दिप प्रज्वलन

चीनबाट ऋण लिंदै नलिने भनेको होइन् : मन्त्री अधिकारी

स्थानीय तह उपनिर्वाचनको सम्पूर्ण तयारी पूरा

चीनसँग आर्थिक साझेदारी वृद्धि गर्ने कुरामा छलफल भयो : मन्त्री राणा

चीन भ्रमण अघि पूर्वप्रधानमन्त्री खनालको प्रतिक्रिया : बीआरआईबारे विवाद अनावश्यक

राजनीतिका नयाँ अनुहार लोकतन्त्ररुपी बगैंचामा फूलेका सुन्दर फूल हुन् : प्रचण्ड

परराष्ट्रमन्त्री राणा आज स्वदेश फर्किँदै

काठमाडौंका यी स्थानमा आज बिजुली काटिने

जसपा नेपालको कोशी प्रदेशस्तरीय महिला, युवा र विद्यार्थी संगठन पुनर्गठन

पशुपतिनाथमा पितृको नाममा छरियो शतबीज