राष्ट्रपति पौडेल र प्रधानमन्त्री ओलीले बहिनीहरुबाट लगाए भाइटीका

• कार्तिक १८, २०८१
• 0

राष्ट्रपति रामचन्द्र पौडेलले बहिनीहरू शारदा पण्डित र चन्दा ओझाको हातबाट शुभसाइतमा यस वर्षको तिहारको टीका लगाएका छन् ।

राष्ट्रपति पौडेलले आईतबार बिहान राष्ट्रपति भवन शितलनिवासमा ११ बजेर ३७ मिनेटको शुभसाइतमा बहिनीहरू शारदा र चन्दाको हातबाट टीका लगाएको राष्ट्रपतिको स्वकीय सचिवालयले जनाएको छ ।

यस्तै प्रधानमन्त्री केपी शर्मा ओलीले बहिनीहरु विष्णुमाया ढकाल, कौशिला कोइराला र विष्णु ओलीको हातबाट शुभसाइतमा टीका लगाएका छन् ।

प्रधानमन्त्री ओलीले आज बालुवाटारस्थित सरकारी निवासमा बहिनीहरुबाट भाइटीका लगाएको प्रधानमन्त्री ओलीले स्वकीय सचिवालयले जनाएको छ ।

नेपाल पञ्चांग निर्णायक समितिले यस वर्षको भाइटीकाको उत्तम साइत आईतवार बिहान ११ बजेर ३७ मिनेटका लागि निर्धारण गरेको थियो । भाइटीकाको उत्तम साइत तय गरिए पनि दिनभर नै टीका लगाउन सकिने समितिले जनाएको छ ।

यमपञ्चकको अन्तिम दिन आज दिदीबहिनीले दाजुभाइलाई र दाजुभाइले दिदीबहिनीलाई टीका लगाउने गरिन्छ ।

सम्बन्धित शीर्षकहरु

कारसहित पोखरीमा बेपत्ता दुई जनाको शव फेला

रास्वपा सभापति रवि लामिछानेलाई म्याद थपका लागि आज कास्की जिल्ला अदालतमा लगिँदै

तिहार सक्किएसँगै मकवानपुरका किसानलाई धान भित्र्याउने चटारो

छठ पर्व आजदेखि सुरु

चिसो ह्वात्तै बढ्यो : उच्च पहाडी तथा हिमाली क्षेत्रमा हिमपातको सम्भावना

भिजिबिलिटी कमजोर हुँदा हवाई उडान प्रभावित

रवि लामिछानेलाई बुटवल लाने तयारी

मुस्ताङमा साढे ८ लाख रुपैयाँसहित १२ जुवाडे पक्राउ

आज पनि तिहारको बिदा , सरकारी कार्यालय मंगलबार मात्रै खुल्ने

तिहार सकिएलगत्तै राजधानीलगायत तराइका जिल्लामा छठको तयारी सुरु, नदी किनार सिंगारिँदै