सिंहदरबारको वैद्यखानाको लागि विकास समिति बनेको छ : मन्त्री पौडेल

• कार्तिक १४, २०८१
• 0

काठमाडौं । स्वास्थ्य तथा जनसङ्ख्या मन्त्री प्रदीप पौडेलले सिंहदरबारको वैद्यखानाको लागि विकास समिति बनेको बताएका छन् ।

बुधबार धन्वन्तरि जयन्ती तथा राष्ट्रिय आरोग्य दिवस २०८१ को अवसरमा सिंहदरबार वैद्यखाना विकास समितिको ३०औं वार्षिकोत्सव समारोहलाई सम्बोधन गर्दै उनले विषयगत र क्षेत्रगत व्यक्तिहरुलाई विकास समितिमा राखेर वैद्यखानालाई अगाडि बढाउने प्रयास गरेको बताएका हुन् ।

उनले भने, ‘पहिलो चोटी सिंहदरबारको वैद्यखाना आएको हो । तर यसको लागि हामीले विकास समिति बनाइसकेका छौं । धेरै भवनहरु छन्, पूर्वाधारहरु यस्तो रहेछन् भन्ने मलाई थाहा थिएन । हामीले गर्न खोजेका कामका लागि यहाँको पूर्वाधार पूर्ण नहोला तर न्युनतम आवश्यकता अनुसारको रहेछ । हामीले विषयगत र क्षेत्रगत व्यक्तिहरुलाई समितिमा राखेर यसलाई अगाडि बढाउने प्रयास गरेका छौं । ’

साथै उनले सिंहदरबारको वैद्यखानामा कयौं समस्याहरु भए पनि हामी सबैले मिलेर समस्याको समाधान गर्नुपर्ने बताए । उनले वैद्यखाना संस्थालाई सबै मिलेर उजागर गर्न समेत आग्रह गरे । त्यस्तै, उनले वैद्यखानाको उत्पादन घटेको भए पनि विश्वसनियता नघटेको बताए ।

सम्बन्धित शीर्षकहरु

सवारी दुर्घटनामा एकको मृत्यु, एक घाइते

औँसीको दिन भए पनि आज तिहारको कुनै पर्व छैन

तिहारमा प्रयोग गरिने अत्यावश्यक सामग्री

मौसम पूर्वानुमान : यी प्रदेशका पहाडी भू–भागमा हुनेछ वर्षा

साफ फुटबलका खेलाडीलाई तिहारलगत्तै पुरस्कार दिने प्रधानमन्त्रीको घोषणा

सरकार र मन्त्री परिर्वतन छिटोछिटो हुँदा विधेयक अघि बढाउन कठिन

‘तिहारमा लक्ष्मी र नारायणको सँगै पूजा गर्नु, छालाजन्य बस्तु उपहार नदिनु’

महाकवि देवकोटाको ११६औँ जन्मजयन्ती आज मनाइँदै

तिहार मानिस र पशुपन्छीबीचको सम्बन्ध पनि बढाउने पर्व : प्रधानमन्त्री ओली

तिहारको तिथि : आज बिहान कुकुर तिहार, साँझ लक्ष्मी पूजा