सूर्य दर्शन सहकारी ठगी प्रकरणमा महेन्द्र भोटे र भविश्वर कारागार चलान

पुस १८, २०८०
0

सूर्य दर्शन सहकारी ठगी प्रकरणमा हिजो अदालतमा आत्मसमर्पण गरेका पूर्व सञ्चालक शिवबहादुर गुरुङ (महेन्द्र भोटे) र भविश्वर अर्याल कारागार चलान भएका छन् ।

उनीहरूलाई कास्की जिल्ला अदालतले पुर्पक्षका लागि थुनामा राख्न आदेश दिएको हो । यसअघि उनीहरू फरार रहँदै आएका थिए ।

मंगलबार बयान गराएर बुधबार भएको थुनछेक बहसपछि न्यायाधीश वसन्तजंग थापाको इजलासले महेन्द्र र भविश्वरलाई पुर्पक्षका लागि थुनामा पठाउने आदेश दिएको हो ।

पोखरामा गितेन्द्र (जीबी) राईको समूहले खोलेको सूर्य दर्शन सहकारी मार्फत बचतकर्ताको रकम अपचलन गरेको उजुरीका आधारमा जीबी, महेन्द्र भोटे सहित १९ जना विरुद्ध पक्राउ पुर्जी जारी भएको थियो ।

सम्बन्धित शीर्षकहरु