नेपाल मुद्रा विप्रेषण संघको श्रममन्त्री अर्यालसँग भेटवार्ता

• माघ १६, २०७९
• 0

विदेशबाट रेमिट्यान्स भित्र्याइरहेका व्यवसायीको संस्था नेपाल मुद्रा विप्रेषक संघले नवनियुक्त श्रम,रोजगार तथा सामाजिक सुरक्षामन्त्री डिपी अर्यालसँग भेटवार्ता गरेको छ ।

संघका अध्यक्ष चन्द्र टण्डनको नेतृत्वमा सोमबार श्रम मन्त्रालय पुगेर संघका कार्यसमितिको तर्फबाट मन्त्रीको सफल कार्यकालको शुभकामना प्रदान गर्दै वैधानिक माध्यमबाट धेरैभन्दा धेरै रेमिट्यान्स भित्र्याउने विषयमा छलफल भएको हो ।

छलफलमा रेमिट्यान्स व्यवसायका साथै विदेशमा रहेका श्रमिकहरुको हक अधिकार सुरक्षित गर्न मन्त्रालयले चाल्नु पर्ने कदमका विषयमा समेत छलफल भएको संघका अध्यक्ष टण्डनले जानकारी दिए ।

श्रममन्त्री अर्याल आफै पनि रेमिट्यान्स व्यवसायी भएकाले यस क्षेत्रको जानकार मानिन्छन् । उनी इजीलिंक रेमिट्यान्सका पूर्व कार्यकारी निर्देशक र संघको सल्लाहकार समेत हुन् ।

सो भेटवार्तामा संघका पूर्व अध्यक्ष तथा आइएमईका सुमन पोखरेल, संघका अध्यक्ष सिटी एक्सप्रेसका चन्द्र टण्डन, उपाध्यक्ष नेपाल रेमिटका रमेश मित्तल, महासचिव सुर्य रेमिटका संजय सिग्देल, कोषाध्यक्ष आइपे रेमिटका इन्द्र प्रसाद शर्मा, सचिव इजिलिंक रेमिट्यान्सका दिपेन्द्र खनाल, सदस्यहरु एटीटी रेमिटका संजिव कुमार पाठक, क्यासवे मनि ट्रान्सफरका प्रविन अधिकारी, जिइमई रेमिटका दिवाकर पौडेल, प्रभु मनि ट्रान्सफरका रामेश्वर सापकोटा, हिमाल रेमिटका युमा श्रेष्ठलगायतको उपस्थिति रहेको थियो ।

सम्बन्धित शीर्षकहरु

नेप्से ३९.७० अङ्कले वृद्धि, परिसूचक २७५६.३६ मा

धितोपत्र बोर्डका नव नियुक्त अध्यक्ष श्रेष्ठले गरे पदभार ग्रहण

फेरी बढ्यो सुनचाँदीको मूल्य

धितोपत्र बोर्डको अध्यक्षमा सन्तोषनारायण श्रेष्ठ नियुक्त

सिटी एक्सप्रेस मनी ट्रान्सफरलाई मध्यमस्तरिय करदाता कार्यालयको सम्मान

आर्थिक सम्बन्धलाई सुदृढ गर्न ‘नेपाल निप्पोन चेम्बर अफ कमर्स एण्ड इन्डस्ट्रीज’ स्थापना

धितोपत्र बोर्डको अध्यक्ष चयनका लागि आज अन्तर्वार्ता लिइँदै

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

उच्चस्तरीय आर्थिक क्षेत्र सुधार सुझाव आयोगमा निजी क्षेत्रलाई समावेश

‘पद्मोदयमोड जुत्ता एक्सचेन्ज’ मेलाको सोरुम अब काठमाडौंको शान्तिनगरमा, पुरानो जुत्तासँग नयाँ साट्ने सुनौलो अवसर