प्रतिनिधिसभाको बैठक फागनु ४ गते सार्न  प्रचण्ड र नेपालको प्रस्ताव

• माघ २९, २०७८
• 0

समसामयिक राजनीतिक विषयमा परामर्श गर्न प्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको छ ।

प्रधानमन्त्री निवास बालुवाटारमा भएको भेटमा नेपालको दिगो विकास गरिबी निवारणका लागि अमेरिकी अनुदान रु ५५ अर्ब सहायतालाई संसदबाट अनुमोदन गर्ने, घोषित स्थानीय निर्वाचन सफलतापूर्वक सम्पन्न गर्नेलगायत विषयमा उनीहरूबीच परामर्श भएको थियो ।

प्रमुख विपक्ष नेकपा(एमाले)का कारण प्रतिनिधिसभाको अवरोध हटाउन एकताबद्ध भएर अगाडि बढ्ने विषयमा समेत विचारविमर्श भएको थियो । छलफलका क्रममा माओवादी अध्यक्ष प्रचण्डले विपक्षी दलको मागलाई समेत दृष्टिगत गरी यही फागुन २ गतेका लागि निर्धारण गरिएको प्रतिनिधिसभा बैठक फागुन ४ का निम्ति प्रस्ताव गरेको उनका स्वकीय सचिव गङ्गा दाहालले जानकारी दिइन ।

सत्तारुढ गठबन्धनबीचको एकतालाई आगामी तीनै तहका निर्वाचनसम्म निरन्तरता दिने विषयमा पनि उनीहरूबीच मतैक्यता रहेको थियो ।

-रासस

सम्बन्धित शीर्षकहरु

एमालेले नेता भीम रावललाई साधारण सदस्यबाट हटायो, विन्दा र उषाकिरण ६ महिना निलम्बित

जसपा नेपालद्वारा केन्द्रीय विभागहहरुको बैठक आह्वान

एआई सम्बन्धी कानुन चाँडै निर्माण हुन्छ : मन्त्री गुरुङ

एमालेको सचिवालय बैठक आज बस्दै

हेटौँडा–काठमाडौं जोड्ने सडक आंशिक रूपमा सञ्चालनमा ल्याउने निर्णय

तस्वीरमा हेर्नुहोस् बिना हिउँको माछापुच्छ्रे हिमाल

आज क्रिसमस डे मनाइदैँ

आजको मौसम : यी स्थानमा वर्षा र हिमपातको सम्भावना

सहकारी ठगी प्रकरणमा पूर्वसांसद गुरूङ पक्राउ

विद्युत विधेयक २०८० माथि छलफल, कसले के भने ?