म्यानपावरको धरौटी बढाउने विद्येयक संसदमा लैजान मन्त्रीपरिषदको स्वीकृति

रोजगारमञ्च
भदौ ३०, २०७५
0

श्रम, रोजगार तथा सामाजिक सुरक्षा मन्त्रालयले म्यानपावर कम्पनीको धरौटी बढाउने गरी तयार गरेको वैदेशिक रोजगार ऐन २०६४ को संशोधन प्रस्तावसहितको विद्येयक मन्त्रीपरिषदको वैठकले संसदमा छलफलका लागि पेश गर्न स्वीकृत गरेको छ ।

मन्त्रीपरिषदको शुक्रबार बसेको बैठकले उक्त विद्येयक संसदमा पेश गर्न स्वीकृत गरेको हो । संसदमा छलफलपछि उक्त विद्येयक पारित भए म्यानपावरको धरौटी बृद्धि हुनेछ ।

श्रम मन्त्रालय स्रोतका अनुसार संसदमा छलफलका लागि पेश गरिन लागिएको विद्येयकमा वर्षमा ५ हजारभन्दा बढी कामदार विदेश पठाउने म्यानपावरको धरौटी नगद २ करोड र बैंक ग्यारेन्टी ४ करोड गरी ५ करोड पुर्‍याउने र ५ हजार भन्दा कम कामदार पठाउनेको भने नगद १ करोड नगद र बैंक ग्यारेन्टी २ करोड गरी ३ करोड प्रस्ताव गरिएको छ ।

यस अघि म्यानपावरको धरौटी ७ लाख नगद र २३ लाख बैंक ग्यारेन्टी थियो । म्यानपावरको संख्या बढी भएको र यस क्षेत्रलाई व्यवस्थित गर्न भन्दै श्रम मन्त्रालयले त्ररौटी बृद्धि गरिन लागिएको जनाउदै आएको थियो ।

वैदेशिक रोजगार व्यवसायीहरुले भने धरौटी बृद्धिको प्रस्तावप्रति विरोध जनाउदै आएका छन ।

त्यस्तै मन्त्रीपरिषद बैंककले कामदारका ब्यक्तिगत उजुरी जिल्ला प्रशासन कार्यालयले हेर्ने र म्यानपावरको एजेन्ट खारेज गर्ने निर्णय गरेको छ । म्यानपावरको शाखा कार्यालय खोल्न बैंठकले बाटो दिएको छ ।

सम्बन्धित शीर्षकहरु