मलेसिया रोजगारीमा श्रम मन्त्री लचिलो बन्दै
- असार २७, २०७५
- 0
मलेसिया जाने कामदारलाई आर्थिक भार थपेको भन्दै केही संस्था खारेजी गरेपछि बन्द भएको मलेसिया रोजगारी अझै खुल्ने संकेत नमिलेपछि श्रम तथा रोजगार मन्त्री गोकर्ण विष्ट केही लचिलो देखिएका छन् ।
गत जेठ ३ गतेसम्ममा सबै प्रक्रिया पूरा गरेर मलेसिया जान नपाएका कामदारको हकमा श्रमस्वीकृति दिन दवाव परेपछि उनी लचिलो बनेका हुन् । मन्त्री विष्टले भिषा स्ट्याम्पिङ भइसकेकाहरुको अध्ययन गरी खुलाउने संकेत दिएका छन् ।
मन्त्रालयमा आइतबार नेपाल वैदेशिक रोजगार व्यवसायी संघको नेतृत्वमा रहेको व्यवसायीहरुसँग भएको छलफलमा मन्त्री बिष्टले जेठ ३ गतेभन्दा अगाडि नै सबै प्रक्रिया पूरा गरिसकेका कामदारको विवरण माग्दै उनीहरुको हकमा भने अन्तिम श्रम स्वीकृति खुलाउन सकिने बताए ।
मेनपावर व्यवसायीले सिडिकेट खारेज गरे पनि सबै प्रक्रिया पूरा गरेर मलेसिया जान नपाएका कामदारको अन्तिम श्रम स्वीकृत खुलाउन आग्रह गरेका थिए ।
मन्त्री बिष्टले खारेज गरेका संस्थाको सम्बन्धमा हो भने सरकारपछि नहट्ने तर प्रकृया पुरा गरेर उड्न नपाएका कामदारहरु खारेज भएका संस्थामा नजाने गरी श्रम स्वीकृति दिन सकिने संकेत दिएका छन् ।
साथै, मन्त्री बिष्टले म्यानपावर व्यवसायीलाई नयाँ कामदारको काम भने नल्याउन निर्देशन दिएका छन् । मलेसियामा अहिले भएको समस्या समाधान भइरहेको र समाधान गर्न केही समय लाग्ने भएकाले नयाँ माग पत्र नल्याउन निर्देशन दिएका हुन् ।
मन्त्री विष्टले मलेसियासँग कुटनैतिक पहल भइरहेको जानकारी व्यवसायीहरु माझ राखेको छलफलमा सहभागी एक व्यवसायीले बताए । ‘तर प्रगति के भइरहेको छ कुनै जानकारी नै दिएनन्’ ती व्यवसायीले भने ।
0 प्रतिक्रिया
भ्रष्टाचार अभियोगमा आठ जनाविरुद्ध मुद्दा दायर
अख्तियार दुरुपयोग अनुसन्धान आयोगले भ्रष्टाचार अभियोगमा आठ जनाविरुद्ध मुद्दा दायर गरेको छ । धादिङको रुबीभ्याली गाउँपालिकाका तत्कालीन प्रमुख प्रशासकीय अधिकृत […]
शक्ति समूहकी संस्थापक सुनिता दनुवारको निधन
मानव बेचबिखन विरुद्धकी अग्रणी अभियन्ता तथा शक्ति समूहकी संस्थापक अध्यक्ष सुनिता दनुवारको आज बिहान निधन भएको छ । पारिवारिक स्रोतका […]
आज पाँच संसदीय समितिको बैठक बस्दै
सोमबार एकै दिन पाँच वटा संसदीय समितिको बैठक बस्दैछ । जसअन्तर्गत बिहान ११ बजे विकास, आर्थिक मामिला तथा सुशासन समितिको […]
सहकारी ठगी प्रकरण मुद्दामा रवि लामिछानेविरुद्ध आजदेखि थुनछेक बहस
राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध कास्की अदालतमा दायर सहकारी ठगी प्रकरण मुद्दामा आजदेखि थुनछेक बहस हुने भएको […]
कांग्रेसका संस्थापक नेता कृष्णप्रसाद भट्टराईको १०१ औँ जन्मजयन्ती मनाइँदै
नेपाली कांग्रेसका संस्थापक नेता कृष्णप्रसाद भट्टराईको आज १०१औँ जन्मजयन्ती मनाइँदैछ । नेपाली कांग्रेस, यसका भ्रातृ एवं शुभेच्छुक संस्थाले विभिन्न कार्यक्रमका […]
