कीर्तिमानी आरोही ‘हिम चितुवा’ आङरिता शेर्पाको निधन
- अशोज ५, २०७७
- 0
विख्यात हिमआरोही आङरिता शेर्पाको निधन भएको छ। ‘हिम चितुवा’ उपनामले चर्चित आङरिताको ७२ वर्षको उमेरमा सोमबार बिहान १० बजे जोरपाटीस्थित निवासमै निधन भएको पारिवारिक स्रोतले जनाएको छ ।
उनले बिना अक्सिजन १० पटकसम्म सगरमाथाको सफल आरोहण गरेर कीर्तिमान बनाएका थिए । यही कारण उनलाई ‘हिम चितुवा’ उपनाम दिइएको थियो ।
आङरिता शेर्पाको जन्म सोलुखुम्बुको थामेमा भएको थियो । उनले सन् १९८३ देखि सगरमाथा आरोहण सुरु गरेका थिए ।
पर्वतारोही शेर्पा लामो समयदेखि बिरामी थिए । उनी तीन वर्षअघिदेखि बिरामी परेर थलिएका थिए । १० पटक अक्सिजन बिनै सगरमाथा आरोहण गर्ने शेर्पालाई तत्कालीन राजा वीरेन्द्र र त्यस बेलाको सरकारले थप स्वास्थ्य खराब हुने भन्दै पर्वतारोहणमा नजान सुझाव दिएपछि विश्राम लिएका थिए ।