एनपीएलमा आज पनि दुई खेल हुँदै, प्लेअफमा पुग्न तीन टिमबीच प्रतिस्पर्धा

• मंसिर २९, २०८१
• 0

नेपाल प्रिमियर लिग (एनपीएल) अन्तर्गत शनिबार (आज) दुई खेल हुँँदैछन् । बिहान पोखरा एभेन्जर्स र काठमाडौं गुर्खाज प्रतिस्पर्धा गर्दैछन् ।

कीर्तिपुरस्थित त्रिवि क्रिकेट मैदानमा यो खेल बिहान ९ बजे सुरु हुनेछ । पोखरा कुशल भुर्तेलको कप्तानीमा मैदानमा हुनेछ भने काठमाडौं कप्तान करण केसीको कप्तानीमा मैदानमा हुनेछ ।

प्लेअफ दौडको कठिन मोडमा पुगेका काठमाडौं र पोखराको खेललाई महत्त्वका साथ हेरिएको छ ।

यसैगरी एनपीएल अन्तर्गत शनिबार नै हुने अर्को खेलमा चितवन र जनकपुर भिड्दैछन् । यो खेल देउँसो १ बजे सुरु हुनेछ । जनकपुर अनिल शाहको कप्तानीमा मैदानमा हुनेछ भने चितवन कप्तान कुशल मल्लको कप्तानीमा मैदानमा हुनेछ ।

अबको एक हारले प्लेअफ दौड कठिन बन्ने चितवनलाई आजको खेल जित्नैपर्ने दबाब छ । तालिकाको शीर्ष स्थानको जनकपुर भने आजको खेलमा जित निकाल्दै तालिकाको दोस्रो स्थानको सदूरपश्चिमसँग अंक बढाउन चाहन्छ । जनकपुरले १० अंक जोडिसकेको छ भने दोस्रो स्थानको सुदूरपश्चिमको आठ अंक छ ।

चितवन भने ६ अंकसहित चौथो स्थानमा छ । चितवन र जनकपुरका लागि आजको खेल नै अन्तिम हो । सुदूरपश्चिमले दुई खेल खेल्न बाँकी छ भने कर्णालीले एक खेल खेल्न बाँकी छ ।

एनपील तालिकामा पोखरा र काठमाडौंको समान चार-चार अंक छ । विराटनगरको चार अंक भए पनि रनरेटका आधारमा अगाडि छ ।

सम्बन्धित शीर्षकहरु

एनपिएल : चितवनसँग जनकपुर पराजित, पोखरा र विराटनगर प्रतियोगिताबाट बाहिरिए

एनपीएलमा आज पनि दुई खेल हुँदै, प्लेअफमा पुग्न तीन टिमबीच प्रतिस्पर्धा

लुम्बिनीलाई हराउँदै कर्णालीको रोमाञ्चक जित, कर्णाली पुग्यो प्लेअफको नजिक

विराटनगरलाई सुपर ओभरमा हराउँदै पोखरा विजयी, विराटनगरको प्ले अफ सम्भावना समाप्त

एनपिएलमा बिहीवार पनि दुई खेल हुदैँ

एनपीएल : काठमाडौंसँग लुम्बिनी १८ रनले पराजित

सुदूरपश्चिमका बलर चम्कँदा जनकपुरको पहिलो लज्जासपद हार

वेष्टइण्डिजका लेजेन्डरी क्रिकेटर ब्रायन लारा नेपाल आउँदै

एनपीएल : आज सुदूरपश्चिम रोयल्स र जनकपुर बोल्ट्स तथा चितवन र काठमाडौं भिड्दै

कर्णाली याक्ससँग पोखरा एभेन्जर्स सात विकेटले पराजित