एनआरएनएले जानकी मन्दिरमा विद्युतीकरण गरी झिलिमिली बनाउने
- रोजगारमञ्च
- असार २८, २०७५
- 0
गैरआवासीय नेपाली संघले धार्मिक र ऐतिहासिक महत्त्व बोकेको जानकी मन्दिरलाई विद्युतीकरणमार्फत झिलिमिली बनाउने भएको छ ।
संघले पाँच करोडको लागतमा मन्दिरको हरेक भागमा विद्युतीय बल्ब राखेर सौन्दर्यीकरण गर्ने भएको हो । करिब ५ करोड लागतमा गरिने विद्युतीकरणका सम्बन्धमा जानकी छुट गुठी र गैरआवासीय नेपाली संघ (एनआरएनए) बीच समझदारीपत्रमा हस्ताक्षर भएको छ ।
जानकी मन्दिरको प्रागंणमा आयोजित कार्यक्रममा गुठीका तर्फबाट उत्तराधिकारी महन्थ रामरोसन दास वैष्णव र संघको तर्फबाट अध्यक्ष भवन भट्टले समझदारीपत्रमा हस्ताक्षर गरे ।
सहमति अनुसार आउँदो मंसिरमा हुने रामजानकी विवाह महोत्सवका दिन जानकी मन्दिरको विद्युतीकरणको उद्घाटन गरिनेछ ।
कार्यक्रममा संघका अध्यक्ष भट्टले जानकी मन्दिरमा बिजुली मात्र नभई आगामी पुस्ताका लागि जनकपुरधामको कथा देखाउने गरी सजावट गरिने बताए । गैरआवासीय संघले सुरु गरेको उज्यालो नेपाल अभियान अन्तर्गत जानकी मन्दिरमा विद्युतीकरण गर्न लागेको उनले जानकारी दिए ।
कार्यक्रममा एनआरएनका संस्थापक अध्यक्ष उपेन्द्र महतोले जनकपुरधामको विकासका लागि स्थानीय युवाहरु पनि अगाडि बढ्नुपर्ने बताए । ‘स्वास्थ्य, शिक्षा, कृषि र पर्यटन क्षेत्रमा मन लगाएर अगाडि बढ्यौं भने छोटो समयमै जनकपुरधामको विकास हुनेछ’, उनले भने ।
यस्तै, प्रदेश २ का मुख्यमन्त्री लालबाबु राउतले प्रदेशलाई समृद्ध बनाउन यहाँका ऐतिहासिक महत्वका सम्पदाहरुको सौन्दर्यीकरण गर्नुपर्ने बताए ।
0 प्रतिक्रिया
एसीसी प्रिमियर कपको सेमिफाइनलमा नेपाल र यूएई भिड्दै, यस्तो छ हेड टु हेड
ओमानमा जारी एसीसी प्रिमियर कप क्रिकेट प्रतियोगिताको सेमिफाइनलमा नेपालले शुक्रबार संयुक्त अरब इमिरेट्स (यूएई)सँग भिड्ने भएको छ । नेपाल र […]
हावाबाट कोरोना फैलिएको विश्व स्वास्थ्य संगठनको स्विकारोक्ति
पछिल्लो समय कोरोना भाइरस (कोभिड–१९)विषयमा नयाँ तथ्य सार्वजनिक भएको छ । विश्व स्वास्थ्य संगठन (डब्ल्यूएचओ) र संसारभरका पाँचसय बढी वैज्ञानिकले […]
सिन्धुपाल्चोकमा जन्ती बोकेको बस दुर्घटना, ३ जनाको मृत्यु
दोलखाबाट बिहे लिएर सिन्धुपाल्चोक जाँदै गरेको बस दुर्घटना हुँदा ३ जनाको घटना स्थलमै मृत्यु भएको छ । शुक्रबार बिहान भिमेश्वर […]
राज्य व्यवस्था समितिको बैठक बस्दै, फास्ट ट्रयाकका बारेमा छलफल हुने
संघीय संसदको एक समितिको बैठक शुक्रबार बस्दै छ । प्रतिनिधिसभा अन्तर्गतको राज्य व्यवस्था तथा सुशासन समितिको बैठक बस्न लागेको हो […]
प्रधानमन्त्री दाहालसँग विपिन जोशीका परिवारको भेट, उद्धारको पहल गरिदिन आग्रह
प्रधानमन्त्री पुष्पकमल दाहाल ‘प्रचण्ड’सँग हमासको कब्जामा रहेका विपिन जोशीको परिवारले भेट गरेको छ । शुक्रबार बिहान प्रधानमन्त्री निवास बालुवाटारमा जोशीका […]
