आइतवार, असार १० गते, २०७५
बुधवार, २०७५ जेष्ठ ३० गते २२:५६

रविन्द्र घिमिरे / नेपाल राष्ट्र बैंकले मलेसियासहित ७ देशमा जाने नेपाली कामदारका लागि लागू गरिएको फ्रि भिसा र टिकट प्रावधान पुनरावलोकन गर्न सरकारलाई सुझाव दिएको छ ।
 
यो व्यवस्थाले विदेश जाने कामदारको लागतमा कमी आए पनि प्रभावकारी नभएको उसको ठहर छ । अहिले पनि झण्डै २ तिहाइ कामदारले न्यूनतम शूल्क भन्दा बढी रकम तिर्नुपर्ने अवस्था रहेको राष्ट्र बैंकको अध्ययनले देखाएको छ ।
 
राष्ट्र बैंकले हालै सार्वजनिक गरेको अध्ययन प्रतिवेदनमा भनिएको छ ‘निशुल्क भिसा र टिकटको प्रावधानले वैदेशिक रोजगारीमा जाने खर्चमा उल्लेख्य कमी आएको छ । तर अझै पनि दुई तिहाई कामदारले सरकारले तोकेको न्युनतम शुल्क भन्दा बढी तिर्नुपरेको अवस्था छ । विदेश जाने कामदारहरुबाट वैदेशिक रोजगार व्यवसायीहरुले अझै पनि अपारदर्शी ढंगबाट पैसा लिइरहेको अवस्था छ । तसर्थ वैदेशिक रोजगार प्राप्त गर्न अझै महंगो नै रहने गरेको छ ।’
 
‘फ्रि भिसा र टिकटको प्रावधानले बैदेशिक रोजगारीमा पारेको प्रभाव’बारे राष्ट्र बैंकले गरेको अध्ययनले अरु पनि धेरै समस्या औल्याएको छ । सरकारी अनुगमन कमजोर रहेको र म्यानपावर व्यवसायीले अपारदर्शी ढंगले रकम लिने गरेको गुनासो रहेको जनताको छ ।
 
गन्तव्य मुलुकसँग सम्झौता नगरी लागू गरिएको, एजेन्टमार्फत अतिरिक्त भुत्तान गरी माग ल्याउनु पर्ने, समयवधि अघि नै काम छाड्ने गरेको गुनासो म्यानपावर व्यवसायीको रहेको छ ।
 
सरकारी संस्थागत संरचनाको क्षमता कमजोर रहेको भन्दै राष्ट्र बैंकले चारबुँदे सुझाव दिएको छ ।
 
उसले बैदेशिक रोजगारीसम्वन्धी मापदण्ड तयार पारेर ‘फ्रि भिसा र टिकटको प्रावधान पुनरावलोकन गर्न भनेको छ । गन्तव्य मुलुकसँग समझौता गरेर आफ्नो प्रावधान अवतग गराएर मात्र लागू गर्नु पर्ने पहिलो सुझाव छ ।
 
निश्चित आम्दानीको सीमा तोकेर त्यसका लागि मात्रै फ्रि भिसा र टिकटको प्रावधान लागू गर्ने र त्यसभन्दा बढी आम्दानी हुने कामका लागि मापदण्ड बनाएर आम्दानीका आधारमा शुल्क उठाउन पाउने व्यवस्था गर्न पनि सुझाव दिएको छ ।
 
‘तोकिएको न्युनतमभन्दा बढी आम्दानी हुने कामका लागि मापदण्ड तयार गरी व्यवसायीले लिन पाउने रकमलाई आम्दानीसँग आवद्ध गर्न उपयुक्त हुने देखिन्छ’ प्रतिवेदनमा भनिएको छ, ‘तर, बढी आम्दानी देखाएर नक्कली सम्झौतापत्र बनाएर कामदार पठाएमा त्यसअनुसारको रकम म्यानपावर कम्पनीबाट असुल गरेर काकदारलाई क्षतिपूर्ति दिने व्यवस्था गर्नु उपयुक्त हुन्छ ।’
 
वैदेशिक रोजगारीका लागि जाने मध्ये ९५ प्रतिशत नेपाली निःशुल्क भिसा र टिकटको नीति लागू भएका मलेसिया, साउदी अरेबिया, कतार, बहराइन, युएई र ओमानमा जाने गरेका छन् ।
 
फ्रि भिसा र टिकटका कारण नेपाली कामदारको माग घटेको छैन । तर, पछिल्लो २ वर्षको अवधिमा मलेसिया र साउदी अरेवियाबाट हुने कामदारको मागमा भने कमी आएको अध्ययनले देआएको छ ।
 
साथै समग्रमा वैदेशिक रोजगारीमा जाने नेपालीहरुको संख्या पनि घट्दै गएको छ ।
 
कामदारको संख्यामा कमी आउनुमा माग गर्नेभन्दा बढी आपूर्ति गर्ने पक्ष जिम्मेवार रहेको ठहराएको छ । ‘भूकम्पश्चात पुनर्निर्माणका काम बढेको, मुलुक स्थिरतातर्फ उन्मुख भएकाले आन्तरिक आर्थिक गतिविधि बढेकाले देशभित्रै काम पाउने स्थिति भएकाले वैदेशिक रोजगारीमा जानेको संख्यामा कमी आएको हो,’ प्रतिवेदनमा भनिएको छ ।
 
श्रम बजारमा नेपाली कामदारको प्रमुख प्रतिस्पर्धीका रुपमा भारत, पाकिस्तान, बंगलादेश, श्रीलंका, फिलिपिन्स, भियतनामलगायतका देशका कामदार रहेको औल्याउँदै राष्ट्र बैंकले नेपाली कामदारको प्रतिस्पर्धी क्षमता बढाउनुपर्ने निश्कर्ष पनि निकालेको छ ।
 
प्रतिवेदनले संस्थागत सुशासनका लागि म्यानपावर व्यवसायमा पब्लिक कम्पनीलाई प्रोत्साहित गर्न, म्यानपावर कम्पनीको रेटिङ गर्न, विदेशबाट फर्किएकाहरुको पनि तथ्यांक राख्न, कामदार मागको सूचनालाई एकै पद्धतिबाट तथा एप्सको प्रयोग गर्न लगायतका सुझाव पनि राष्ट्रबैंकले सरकारलाई दिएको छ ।
 



प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
  [Reload Image]
 
 
   

अरु समाचारहरु :: रोजगार
226.   दुबईमा पाँच नेपालीले जिते २० करोडको चिठ्ठा
227.   ओमानमा हुने ‘नेपाल फेस्टिबल र जबफेयर’ सेप्टेम्बरसम्म स्थगित
228.   युएईको अजमान एमिरेट टावरमा भीषण आगलागी
229.   मलेसियामा चार सय नेपालीको बिचल्ली
230.   नेपाली कांग्रेस केन्द्रिय समितिलाई जनसम्पर्क समिति अष्ट्रेलियाको बधाई
231.   थाई नेपाली संघले निमार्ण गरेको विद्यालय हस्तान्तरण
232.   कतारका गुरुङद्धारा घरआँगनलाई आर्थिक सहयोग
233.   जनप्रगतिशिल मञ्च ओमानले बुझायो एनेकपा माओवादीलाई सुझावपत्र
234.   यौनधन्दामा लागेको आरोपमा मलेसियामा ४ जना नेपाली युवती पक्राउ
235.   नेपाली फुटबल टिम कतार र सिटी एक्सप्रेसबीच सम्झौता
236.   अस्ट्रेलियाकै ठूलो बहुसांस्कृतिक महोत्सबमा नेपालको सहभागिता
237.   कतारमा प्यूठान समाजको वनभोज तथा सास्कृतिक कार्यक्रम सम्पन्न
238.   एनआरएन ओमानको तेश्रो अन्तर नेपाली क्रिकेट प्रतियोगिता सम्पन्न
239.   दाङ देउखुरी समाज कतारद्धारा मिर्गौला रोगीलाई आर्थिक सहयोग
240.   कतारमा कोइरालाको १३ औं पुण्यतिथिमा श्रद्धान्जली सभा
241.   अर्घाखाँची सेवा समाज कतारको अधिबेशन सम्पन्न
242.   जनसम्पर्क समिति अष्ट्रेलियामा गिरी सर्वसम्मत
243.   कतारमा गुल्मेली वनभोज तथा सास्कृतिक कार्यक्रम भव्य रुपमा सम्पन्न
244.   नेपाल पैसा पठाउदा साउदी अरबमा एक नेपालीलाई कार उपहार
245.   अमेरिका हिँडेका पाँच नेपाली पक्राउ
246.   स्याङ्जा सहयोग समाज युएइको वार्षिक उत्सव सम्पन्न
247.   कपिलवस्तु मुस्लिम समाजको अध्यक्षमा अख्तर हुसेन गड्डी
248.   बुद्धभुमि कपिलवस्तुको भेला तथा परिचयात्मक कार्यक्रम सम्पन्न
249.   ‘नेप्लिज विजनेस एशोसिएसन’मलेसियामा निरौला
250.   ओमानमा संयुक्त बैचारिक संयन्त्र गठन
Results 416: You are at page 10 of 17
First Prev 1 2 3 4 5 6 7 8 9 10 11 12 13 14 15 16 17 Next Last

Powered By : Unitech Media