विहिवार, असार ०७ गते, २०७५
शुक्रवार, २०७४ मंसिर २२ गते २२:१८

प्रतिनिधिसभा तथा प्रदेशसभाको दोस्रो चरणअन्तर्गत बिहीबार भएको निर्वाचनमा अधिकांश उद्योगी व्यवसायीहरूले देशका विभिन्न क्षेत्रबाट मतदान गरेका छन् ।
 
पहिलो  पटक भएको प्रतिनिधिसभा र प्रदेशसभाको निर्वाचनमा मतदानसँगै व्यवसायीहरूले अव देशमा स्थायी सरकार र आर्थिक समृद्धि प्राप्त हुने अपेक्षा गरेका छन् । विकास र समृद्धिको विकल्प नभएको भन्दै अधिकांश व्यवसायीहरूले जुनसुकै दलको सरकार भएपनि स्थायी हुनुपर्नेमा जोड दिएका छन् । 
 
नेपाल उद्योग वाणिज्य महासंघका अध्यक्ष भवानी राणाले नेपालगञ्ज उपमहानगरपालिका–१० स्थित वन विभाग केन्द्रबाट मतदान गरेकी छन् । यो निर्वाचन इतिहासकै सवैभन्दा महत्वपूर्ण भएको भन्दै उनले अब स्थायी सरकार आउने र देशमा आर्थिक समृद्धिका पक्षमा कामहरू हुने धारणा राखिन् । “निजी क्षेत्र सधैं स्थायी सरकार चाहन्छ, यो चुनावपछि स्थायी सरकार आउँछ र विकासले गति लिन्छ भन्ने हाम्रो बुझाइ छ,” अध्यक्ष राणा भन्छिन्, “संविधान जारी भएको छ, अब अरु आर्थिक विकासको विकल्प नै छैन ।” राजनीतिक दलहरूले पनि आर्थिक एजेन्डालाई प्राथमिकतामा राखेका छन् । अब राजनीतिक एजेन्डा होइन आर्थिक एजेन्डालाई अगाडि सार्ने समय भएको उनको भनाइ छ ।
 
नेपाली कांग्रेसको चुनावी अभियानमा सक्रिया रहेका अर्बपति उद्योगी विनोदकुमार चौधारीले नवलपुरको देवचुली नगरपालिका–२ मा रहेको दिव्य युवा क्लब केन्द्रबाट मतदान गरेका छन् । प्रतिनिधिसभा तर्फका समानुपातिक सदस्यका उम्मेदवार समेत रहेका चौधरीले आर्थिक समृद्धि र विकासको पथमा लम्किनु अहिलेको आवश्यकता भएको बताएका छन् । आफू निर्वाचन प्रचारका क्रममा देशका ४१ भन्दा बढी स्थानमा पुग्दा मतदाताले विकास र आर्थिक समृद्धिको चाहना रहेको पाएको भन्दै उनले मतदाताको चाहना पूरा गर्ने दिशामा आफू र आफ्नो पार्टी लागिपर्ने बताए । आर्थिक समृद्धि र विकासका लागि नेपाली कांग्रेसले तयार पारेको मार्गचित्रअनुसार अगाडि बढ्ने बताउँदै आगामी पाँच वर्षपछि नेपाल स्वर्ण युगमा प्रवेश गर्ने दावी गरे । 
 
महासंघका निवर्तमान अध्यक्ष पशुपति मुरारकाले काठमाडौं–१ को थापाथलीस्थित गुहेश्वरी माविबाट मतदान गरे । विगतमा छिटोछिटो फेरिने सरकार र नीतिगत अस्पष्टताले गर्दा अपेक्षाकृत लगानी आउन नसकेको भन्दै अब स्वदेशी उद्योगी व्यवसायीहरूको सहित प्रत्यक्ष विदेशी लगानी ९एफडीआई० आउनेमा मुरारका आशाबादी छन् । “ हामीलाई कसको सरकार आउँछ भन्नेसँग कुनै मतलब छैन, जसको सरकार आएपनि स्थायी हुनुपर्छ,” मुरारका भन्छन् “जसरी विगतमा ९ महिने सरकार आए, यसले गर्दा उद्यमी व्यवसायीहरू लगानी गर्न आत्तिएको अवस्था थियो अब भने त्यसो हुँदैन भन्ने विश्वास छ ।” पहिला जसरी संविधान बनाउने, यो गर्ने त्यो गर्ने भन्ने बहाना अबको सरकारले गर्न नपाउने उनको धारणा छ । आर्थिक विकासका मुद्दामा अबको सरकार केन्द्रित हुनुपर्ने उनी बताउँछन् ।
 
महासंघका वरिष्ठ उपाध्य शेखर गोल्छा पनि निर्वाचनपछि बन्ने स्थिर सरकारले लगानीमैत्री वातारण बन्ने भन्दै अव देशले मुहार फेर्ने बताउँछन् । उपाध्यक्ष चन्द्रप्रसाद ढकालले काठमाडौंको क्षेत्र नम्बर ५ विशालनगर केन्द्र निर्वाचन केन्द्रबाट मतदान गरेका छन् ।

व्यवसायीहरू सौरभ ज्योती, राजेन्द्र खेतान, नेपाल चेम्बर अफ कमर्सका अध्यक्ष राजेशकाजी श्रेष्ठ, बैंकर्स संघका अध्यक्ष तथा मेगा बैंकका प्रमुख कार्यकारी अधिकृत अनिलकेशरी शाह लगायतले पनि मतदान गरेका छन् । सवै व्यवसायीहरू निर्वाचनपछि स्थायी सरकार आउने र देशमा लगानीको बातावरण बन्नेमा आशावादी छन् ।
                                                                                                                                                                   कारोवार दैनिकबाट
 
 



प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
  [Reload Image]
 
 
   

अरु समाचारहरु :: अर्थ
1.   कुमारी बैंक र ओम अस्पतालबीच सम्झौता
2.   सल्यानमा इन्भेष्टमेण्टको ७२ औ शाखा संचालनमा
3.   मेगा बैंक र रिलायवल लाइफ इन्स्योरेन्सबीच बैंकास्योरेन्स सम्झौता
4.   'खेलौं रमाऔँ बैंङ्कक जाऔ' अफर सहित 'आइएमई वल्र्ड कप उत्सव–२०१८' शुरु
5.   प्रभू टिभीको सुरुवात, देशमै पहिलो डिजिटल भिडियो प्रसारणमा आधारित सेवा
6.   आइएमईले चौथो अन्तराष्ट्रिय पारिवारिक विप्रेषण दिवस मनायो
7.   आइएमई जनरल इन्स्योरेन्स र बयोधा हस्पिटलबीच सम्झौता
8.   महालक्ष्मी विकास बैंकको एकैसाथ २ शाखा संचालनमा
9.   आइएमईले मनायो १८ औं वार्षिकोत्सव
10.   माछापुच्छ्रे बैंकको प्रमुख कार्यकारी अधिकृतमा सुमन शर्मा
11.   रेमिटयान्स वृद्धिदरमा आयो सुधार
12.   टेलिकमको सबै सेवा मोबाइल एपबाटै
13.   एचबिएल—दायित्व फेलोसिप अवार्ड २०१८ प्रदान
14.   गोपाल खड्काले राजिनामा दिए
15.   सेयरमा लाभकर लगाउने निर्णयबाट सरकार पछि हट्यो
16.   मेगा बैंक र प्रभु लाइफ इन्स्योरेन्सबीच बैंकास्योरेन्स सम्झौता
17.   तनहुँमा ग्लोबल आइएमई बैंकको एक्सटेन्सन काउन्टर खुल्यो
18.   ६ सय ७५ स्थानमा निःशुल्क इन्टरनेट सेवा
19.   युनाइटेड बेभरेजले ल्यायो 'पल्पी' र 'हेप्पी' ब्राण्डका नयाँ जुस
20.   नेपालमा लगानीका लागि विश्वका लगानीकर्ताहरुलाई ढकालको आग्रह
21.   'किरानामा' कुमारी बैंकको महाबचत योजना
22.   सिद्धार्थ बैंक आइएमई पे वालेटमा आवद्ध
23.   इन्भेष्टमेन्ट बैंकको एक्स्टेन्सन काउन्टर थापाथलीमा, २४ घन्टा नै सञ्चालन हुने
24.   आर्थिक वर्ष २०७५र०७६ का लागि १३ खर्ब १५ अर्बको बजेट प्रस्तुत (बजेटको पूर्ण पाठसहित)
25.   टेलिकमले ल्यायो मिस्ड कल एलर्ट सर्भिस
Results 887: You are at page 1 of 36
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 Next Last

Powered By : Unitech Media