मंगलवार, माघ ०२ गते, २०७४
आइतवार, २०७४ मंसिर १६ गते ०५:३७

भरतपुर क्यान्सर अस्पतालमा उपचार गराइरहेका क्यान्सर रोगी गणेश बहादुर भूजेललाई संखुवासभा समाज कतारले आर्थिक सहयोग प्रदान गरेको छ । 
 
मादि नगरपालिका ६ संखुवासभाका भूजेललाई मुखको क्यान्सर भएपछि उपचारका लागि आर्थिक अभाव भएपछि समाजले नगद २५ हजार रुपैयाँ उपचारमा सहयोग पुगोस् भन्दै प्रदान गरेको हो । भरतपुर क्यान्सर अस्पतालमा नै पुगेर विरामी भूजेल र उनको श्रीमतिलाई उक्त रकम प्रदान गरिएको छ । 
 
समाजका तर्फबाट चितवनका समाजसेवी श्रीराम रेग्मीले अस्पतालको बेडमा नै पुगेर पैसा प्रदान गर्दा बिरामी र उनको श्रीमति औधी खुशी हुँदै भने–‘ संखुवासभा समाज कतारप्रति धेरै धेरै धन्यवाद अव हामीलाई बाँच्ने आशा पलाएको छ ।’
 
शनिवार नै बिरामी भूजेल एक महिनाको रेष्टका लागि घर फर्किएका छन् । विरामीकी श्रीमतिले भनिन्–‘एक महिनापछि फेरि अस्पतालले बोलाएको छ ।’
 
समाजका अध्यक्ष लोकराज राईले संखुवासभा काठमाडौं जर्नालिष्ट एशोसिएशन (एसकाज)का महासचिव उद्वव भट्टराई मार्फत उक्त सहयोग पीडितका हातमा पु¥याउन सफल भएका हुन् । 
 
भर्खरै स्थापना भएको समाजले बाढिपीडितका लागि धुर्मुस सुन्तली फाउण्डेशनलाई २५ हजार नगद हस्तान्तरण गरिसकेको छ । समाजले चाँडै आफ्नो महाधिबेशन मनाउन लागेको समेत अध्यक्ष राईले जानकारी दिए । 
 



प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
  [Reload Image]
 
 
   

अरु समाचारहरु :: प्रवास
351.   कतारमा मृत्यु भएका परियारको शव आयो
352.   स्याङ्जा सेवा समाजद्वारा मृतकको परिवारलाई सहयोग
353.   जर्मनीमा नेपाल फेस्टिवल
Results 353: You are at page 15 of 15
First Prev 1 2 3 4 5 6 7 8 9 10 11 12 13 14 15

Powered By : Unitech Media