बुधवार, मंसिर २७ गते, २०७४
शुक्रवार, २०७४ मंसिर ०७ गते ००:४७

रोजगार मञ्च । बुटवल पावर कम्पनी लिमिटेड (बिपीसी)ले चीनका सिचुवान प्रान्तका तीन प्रमुख कम्पनीहरुसँग विद्युत उत्पादन गर्नका लागि साझेदारी गरेको छ । बिपिसीले उक्त साझेदारीको एक भब्य कार्यक्रम गरी बुधबार औपचारिकता दिएको छ । 
 
बिपीसीका अध्यक्ष पद्म ज्योति, राष्ट्रिय योजना आयोगका सदस्य डा.अर्बिन्दकुमार मिश्र, चाइनाबाट आएका सिचुवान प्रोभिन्सियल इन्भेस्टमेन्ट गु्रप कम्पनी लिमिटेड, चेङ्दु सिंचेन इन्भेस्टमेन्ट गु्रप कम्पनी लिमिटेड र छिमयुआन इन्जिनियरिङ कन्सल्टिङ कम्पनीका प्रतिनिधिले उक्त साझेदारीको उद्घाटन गरे ।  
 
बिपिसीले चीनका तीन प्रमुख हाइड्रोपावर कम्पनी सिचुवान प्रोभिन्सियल इन्भेस्टमेन्ट गु्रप कम्पनी लिमिटेड, चेङ्दु सिंचेन इन्भेस्टमेन्ट गु्रप कम्पनी लिमिटेड र छिमयुआन इन्जिनियरिङ कन्सल्टिङ कम्पनी लिमिटेडबीच साझेदारी भएको हो ।  उक्त साझेदारीको सुरुआत गण्डकी अञ्चलको उच्च हिमाली क्षेत्रमा अवस्थित तल्लो मस्र्याङ्दी हाइड्रोपावर आयोजनाबाट एक सय मेगावाटभन्दा बढी क्षमता विद्युत उत्पादन गरिने जनाइएको छ । 
 
‘सिचुवानका ठूला लगानीकर्ताको सहकार्यमा धेरै काम गर्न सकिने बिश्वास लिएको छौ, निकट भविष्यमा थप अन्य आयोजना पनि निर्माण गरिने छ ।’ बुटवल पावर कम्पनीका अध्यक्ष पद्म ज्योतिले जानकारी दिए । 
 
बिपिसीले पाँच वर्षभित्र करिब दुईदेखि तीन अर्ब अमेरिकी डलर लागतमा कम्तीमा एक हजार मेगावाट विद्युत् उत्पादन गर्ने लक्ष्य लिएको छ । बिपिसीसँग साझेदारी गरेका चीनका तीन कम्पनी पश्चिमी चीनको सिचुवान प्रान्तस्थित वृहत, प्रतिष्ठित र सफल कम्पनी हुन् ।
 
 नेपालजस्तै सिचुवान प्रान्त पनि जलस्रोतमा निकै धनी छ । उक्त कम्पनीले ७५ हजार मेगावाटभन्दा बढी विद्युत् उत्पादन गर्दै आएको छ । यीमध्ये राज्यको स्वामित्व रहेको सिचुवान प्रोभिन्सियल इन्भेस्टमेन्ट गु्रपले ३७ हजार मेगावाट विद्युत् आफ्नै क्षमतामा उत्पादन गर्दै आएको छ ।  
 
विभिन्न क्षेत्रमा लगानी रहेकोे वृहत् कम्पनी चेङ्दु सिंचेन इन्भेस्टमेन्ट गु्रपले चेङ्दु सहरको विकासमा अग्रणी भूमिका निर्वाह गरेको छ । छिमयुआन इन्जिनियरिङ कन्सल्टिङ कम्पनी चाइनाको निजी क्षेत्रको उच्चस्तरीय इन्जिनियरिङ र कन्सल्टेन्सी कम्पनी हो जसले सिचुवन क्षेत्रमा हाइड्रोपावर प्रोजेक्ट सञ्चालन गर्दै आएको छ । 
 
२०२० सालमा स्थापना भएको बुटवल पावर कम्पनी एक पब्लिक लिमिटेड कम्पनी हो । आफ्नो स्थापनाकालको ५० वर्ष पूरा गरेको बिपिसीले ३७.६ मेगावाटको कावेली ‘ए’ हाइड्रोपावर आयोजना र ३० मेगावाटको न्यादी हाइड्रोपावर आयोजना सुरुआत गरेको छ । बिपिसीले १२ मेगावाटको झिमरुक र ९.४ मेगावाटको आँधिखोला पावर प्लान्ट सञ्चालन गर्दै आएको छ । 


 
साथै बिपिसीले खिम्ती र खुदी प्लान्टमा समेत लगानी गरेको छ । नेपालका पश्चिमी भागमा अवस्थित स्याङ्जा, पाल्पा, प्यूठान र अर्घाखाँची जिल्लाका ५० हजारभन्दा बढी घरपरिवारलाई बिजुली प्रदान गर्दै आएको बिपिसीले पावर प्लान्टको सञ्चालन तथा मर्मत–सम्भार, हाइड्रोपावर इन्जिनियरिङ सम्बन्धी सल्लाह–सुझाव, हाइड्रो–मेकानिकल र इलेक्ट्रो–मेकानिकल उपकरण उत्पादन तथा मर्मत–सम्भारजस्ता कार्य समेत गर्दै आएको छ ।
 



प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
  [Reload Image]
 
 
   

अरु समाचारहरु :: अर्थ
1.   मतदानसँगै समृद्धिको अपेक्षामा व्यवसायीहरु
2.   चुनावमा अवैध पैसा धेरै
3.   कोकाकोलाले ल्यायो नेपाली बजारमा किन्ले ब्राण्डको पानी
4.   सहरी विकासका लागि एडीबीको ऋण सहयोग
5.   सिटी एक्स्प्रेस मनी ट्रान्सफरले गर्‍यो एघारौं हप्ताको बिजेताहरु घोषणा
6.   एनसेलले आयोजना गर्‍यो ‘डिजिटल ज्याम’
7.   एनबी इन्सुरेन्सको नाम परिवर्तन, अब आइएमईका नाममा संचालनमा
8.   सिटी एक्सप्रेस मनी ट्रान्सफरको भाइबर सेवा संचालनमा
9.   आईएमईका व्यवसायिक साझेदार रारा भ्रमणमा
10.   बुटवल पावरले ग¥यो चाइनाका तीन कम्पनीसँग साझेदारी
11.   एडीबीको १ सय ५० मिलियन अमेरीकी डलर सहयोग स्वीकार गर्ने सरकारको निर्णय
12.   हिमालयन बैंकद्धारा विद्यालयलाई २० थान कम्प्युटर प्रदान
13.   उद्योग वाणिज्य महासंघले प्रमुख राजनीतिक दलका एजेन्डाबारे वहस कार्यक्रम गर्ने
14.   सिटी एक्सप्रेसको उत्सव एक्सप्रेस योजनाको दसौं हप्ताको बिजेताहरु घोषणा
15.   एनआईबिएल क्यापिटल मार्केटसको शाखा बिस्तार
16.   महालक्ष्मी विकास बैंकको सिइओमा लामिछाने नियुक्त
17.   बुढीगण्डकी चिनियाँ कम्पनीलाई दिने निर्णय मन्त्रिपरिषदद्वारा खारेज
18.   सिटी एक्स्प्रेसको उत्सव एक्स्प्रेस योजनाको नवौ हप्ताको बिजेताहरु घोषणा
19.   एनआईबिएल क्यापिटल र एस क्यापिटलबीच मर्जर सम्झौता सम्पन्न
20.   ओरेन्टल सहकारी समस्याग्रस्त घोषित
21.   आइएमई छक्का पञ्जा अफर अन्तर्गतको १० लाख न्यौपानेलाई
22.   यूनियन लाइफ इन्स्योरेन्सको नयाँ शाखा हरिवनमा
23.   सिटी एक्स्प्रेसले घोषणा गर्यो 'उत्सव एक्स्प्रेस' विजेताको घोषणा
24.   सेन्चुरी कमर्सियल बैंकको सिइओमा शाह नियुक्त
25.   रिया आइएमई ‘लक्की ड्र’बाट चार विजेता छानिए
Results 773: You are at page 1 of 31
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 Next Last

Powered By : Unitech Media