शुक्रवार, जेष्ठ ११ गते, २०७५
मंगलवार, २०७४ कार्तिक २१ गते २३:२२

ओरेन्टल सहकारीमा मात्र ११ हजार बचतकर्ताको ५ अर्ब ५० करोड रुपैयाँ ठगी भएको आयोगमा उजुरी परेको छ ।
 
     सर्वसाधारणको बचत फिर्ता गर्न नसकी चार वर्षअघि नै बन्द भएको ओरेन्टल सहकारी संस्थालाई सरकारले समस्याग्रस्त घोषणा गरेको छ । सहकारी तथा गरिबी निवारण मन्त्रालयले सहकारी ऐन–२०७४ बमोजिम सोमबार संस्थालाई समस्याग्रस्त घोषणा गरेको हो । 
 
ऐनको दफा १०४ अनुसार सहकारी विभागका रजिष्टारको सिफारिसमा ओरेन्टललाई समस्याग्रस्त सहकारी घोषणा गरिएको मन्त्रालयका सचिव गोपीनाथ मैनालीले जानकारी दिए ।

“यसअघिको ऐनमा सहकारी संस्थालाई समस्याग्रस्त घोषणा गर्ने कुनै व्यवस्था थिएन,” उनले भने, “नयाँ ऐनले समस्याग्रस्त घोषणा गरी सम्पति तथा दायित्व छानबिन र खारेजी प्रक्रियाको व्यवस्था भएपछि समस्याग्रस्त घोषणा गरेका हौं ।”
 
ऐनमा कुनै पनि सहकारी संस्थाले सदस्यको बचत फिर्ता गर्न नसक्ने, गम्भीर आर्थिक संकटमा परेको, अनियमितता भएको संस्थालाई रजिष्टारको सिफारिसमा मन्त्रालयले समस्याग्रस्त घोषणा गर्न सक्ने प्रावधान राखिएको छ ।
 
बचत तथा ऋणको कारोबार गर्ने समस्याग्रस्त सहकारीको अध्ययनका लागि सरकारले गठन गरेको गौरीबहादुर कार्कीको संयोजकत्वमा रहेको आयोगले ओरेन्टलसहित १३० सहकारीलाई समस्याग्रस्त संस्थाको रूपमा सूचीकृत गरी सरकारलाई प्रतिवेदन बुझाएको थियो । ०७१ जेठमा तत्कालीन प्रधानमन्त्री तथा सहकारीमन्त्री सुशील कोइरालालाई प्रतिवेदन बुझाए पनि कानुन अभावको कारण देखाउँदै सुझाव कार्यान्वयन हुन सकेको थिएन । 
 
सचिव मैनालीका अनुसार धेरै दायित्व भएको र धेरै बचतकर्ताको रकम ठगिएको ओरेन्टललाई समस्याग्रस्त घोषणा गरिएको हो । “अब क्रमशः समस्यामा रहेका अन्य सहकारीलाई पनि समस्याग्रस्त घोषणा गर्छौं,” उनले भने ।
 
समस्याग्रस्त घोषणा गरेसँगै संस्थाको सम्पत्ति तथा दायित्व छानबिन गरी बचतकर्ताको रकम फिर्ता गर्न अधिकारसम्पन्न व्यवस्थापन समिति गठन गर्ने काम पनि सुरु भएको मन्त्रालयले जनाएको छ । 
 
ऐनको दफा १०५ मा समस्याग्रस्त संस्था वा संघको सम्पत्ति व्यवस्थापन र दायित्व भुक्तानीसम्बन्धी काम गर्न व्यवस्थापन समिति गठन गर्न सकिने व्यवस्था गरिएको छ । उच्च अदालतका पूर्वन्यायाधीश वा न्याय सेवामा विशिष्ट श्रेणीमा काम गर्ने व्यक्तिको अध्यक्षतामा रहने न्यायिक समितिमा सरकाबाट मनोनीत एकजना, राष्ट्रिय सहकारी महासंघको एकजना, सहकारी क्षेत्रको विज्ञबाट दुई जना, बैंक वित्तीय संस्थामा ३ वर्ष काम गरेको चाटर्ड एकाउन्टेन्ट एकजना र सरकारले तोकेको सदस्यसचिव हुने व्यवस्था छ । 
 
समितिले सम्पत्ति तथा दायित्व छानबिन गरी लिलाम तथा बचतकर्तालाई रकम फिर्ता गर्ने काम गर्ने अधिकार दिएको छ । यसबाट लामो समयदेखि सहकारीमा बचत फसेका सर्वसाधारणको रकम फिर्ता हुनेछ । 
 
जाँचबुझ आयोगले सरकारलाई बुझाएको प्रतिवेदनमा १३० सहकारीका बचतकर्ताले ११ अर्ब ठगीएको उजुरी परेको उल्लेख छ । जसमा ७ करोड ५८ करोड सावाँ र २ अर्ब २९ करोड ब्याज रहेको छ । यसैगरी हाउजिङ पीडितले १ अर्ब ३६ करोड ठगी भएको उजुरी गरेका छन् । 
 
ओरेन्टल सहकारीमा मात्र ११ हजार बचतकर्ताको ५ अर्ब ५० करोड रुपैयाँ ठगी भएको आयोगमा उजुरी परेको छ । हाल संस्थाका अध्यक्ष सुधिर बस्नेत ठगी मुद्दामा जेलमा छन् भने उनको र संस्थाको सम्पत्ति रोक्का गर्नुका साथै संस्थाको कार्यालयमा पनि आयोगले शिलबन्दी गरेको छ ।

 
कारोबार दैनिकबाट



प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
  [Reload Image]
 
 
   

अरु समाचारहरु :: अर्थ
1.   बाल सुधार संघलाई हिमालयन बैंकको सहयोग
2.   सेञ्चुरी बैंकको नयाँ शाखा ललितपुरको सातदोबाटामा
3.   रसुवागढी नाका जोड्ने मैलुङ–स्याफ्रुबेँसी सडकको उद्घाटन, सेनाले आजै हस्तान्तरण गर्ने
4.   नौ महिनामा रेमिट्यान्स आम्दानी साढे पाँच खर्ब पुग्यो
5.   नेपाल क्रेडिट एण्ड कमर्स बैंक र एभरेष्ट इन्स्योरेन्सबीच बैंकासुरेन्स सम्झौता
6.   हिमालयन बैंकका दुई नयाँ शाखा सञ्चालनमा
7.   आइएमई जनरल इन्स्योरेन्स र एभरेष्ट बैंकबीच बैंकासुरेन्स सेवा सम्झौता
8.   प्रभु बैंकका चार नयाँ शाखा सञ्चालनमा
9.   टुरिजम् डेभलपमेन्ट बैंक मेगामा गाभियो, देशकै तेस्रो ठूलो बैंक बन्यो मेगा बैंक
10.   आइएमई जनरल इन्स्योरेन्स र बि एण्ड बि अस्पताल बीच च नगद रहित सेवा सम्झौता
11.   हिरोको नयाँ ग्ल्यामर मोटरसाइकल र ड्युओट स्कुटर बजारमा
12.   सिटी एक्सप्रेस र अल मुजैनीबीच रेमिट्यान्स सेवा सुरु
13.   एभरेष्ट बैंकले मायादेवी मन्दिरमा गर्‍यो खानेपानी व्यवस्थापन
14.   मेगा बैंकको सञ्चालन मुनाफा बढ्यो, खुद मुनाफा घट्यो
15.   नेपालभर ४ खर्ब ७३ अर्बको नोट बजारमा, एक वर्षमा १ खर्ब ८७ अर्ब रुपैयाँ राष्ट्र बैंकमा भित्रियो
16.   नेपालीको प्रतिव्यक्ति आयमा वृद्धि, वार्षिक १ हजार ४ डलर पुग्यो
17.   आइएमई जनरल इन्स्योरेन्सको नयाँ शाखा रामेछापको मन्थलीमा
18.   एकलाख भन्दा बढी रेमिट्यान्स अब बैंक खाताबाट मात्र भुक्तानी हुने
19.   जनता र्बैकको सुपर एजेन्टमा जिएमई रेमिट नियुक्त
20.   सेञ्चुरी र युनियन लाइफबीच सम्झौता
21.   ग्लोबल आइएमई र क्रसपेबीच रेमिट्यान्स सम्झौता
22.   माछापुच्छ्रे बैंकद्वारा खाद्यान्न वितरण
23.   आइएमई इन्स्योरेन्स र नर्भिकबीच सेवा सम्झौता
24.   यामाहाका स्कुटरमा ‘रिसेल प्रोमिस’
25.   टेलिकमले ल्यायो ह्याप्पी सोसल मिडिया प्याक र विद्यार्थी अफर
Results 857: You are at page 1 of 35
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 Next Last

Powered By : Unitech Media