बुधवार, माघ ०३ गते, २०७४
» रोजगार
फ्री भिषा फ्री टिकटको निर्णय तत्काल खारेज गर्नुपर्ने लगायत विभिन्न माग राखी आन्दोलनमा उत्रिएका वैदेशिक रोजगार व्यवसायीहरुले आफ्नो आन्दोलन जारी नै राखेका छन् । श्रम तथा रोजगार मन्त्रालयसँग हिजो मंगलबार भएको वार्ता विना निष्कर्ष टुंगिएपछि आज बुधबार पनि वार्तामा बसेका व्यवसायीहरुले वार्ता सँगै आन्दोलनका कार्यक्रम पनि जारी राख्ने जनाएका छन् ।
श्रम तथा रोजगार मन्त्रालयले गत असार २१ गतेबाट लागु गरेको फ्री भिषा फ्री टिकटको निर्णय कुनै पनि हालतमा लागु हुने श्रम तथा रोजगार राज्यमन्त्री टेकबहादुर गुरुङले बताएका छन् । उनले लामो समयदेखि छलफल गरेर देश र जनताका लागि लागु गरिएको निर्णय व्यवसायीहरुको तुक बिनाको आन्दोलनका कारण स्थगित गर्न नसकिने जीकिर गरेका छन् ।
फ्री भीषा फ्री टिकटको विरुद्धमा मेनपावर कार्यालय नै बन्द गरी वैदेशिक रोजगार व्यवसायीहरु आन्दोलनमा उत्रिएपछि श्रम तथा रोजगार राज्य मन्त्री टेकबहादुर गुरुङले यसैगरी काम ठप्प पारे सरकारले नै कामदार पठाउन सक्ने संकेत दिएका छन् । मन्त्री गुरुङले व्यवसायीहरुलाई आन्दोलन रोकि सरकारको निर्णयलाई सघाउन आग्रह गर्दै सो कुरा बताएका हुन ।
Results 26 : You are at page 20 of 26
« Prev  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26  Next »

Powered By : Unitech Media